Ministr achovy zdaroŭja Niamieččyny: Samaja bura jašče napieradzie
Niamieččyna, adkaz jakoj na karanavirus mnohija śpiecyjalisty ŭ śviecie ličać uzornym, prahnazuje, što najhoršy pieryjad pandemii ŭ hetaj krainie jašče napieradzie.
Hiermanija ŭsio jašče ŭ pieryjadzie «štylu pierad štormam» epidemii karanavirusa. «My vykarystoŭvajem vyjhrany nami čas dla paśladoŭnaj padrychtoŭki da chvali vypadkaŭ, jakuju my čakajem u nastupnyja tydni», — skazaŭ u čaćvier ministr achovy zdaroŭja krainy Jens Špan.
Špan adznačyŭ, što stratehija Niamieččyny zaklučałasia ŭ maksimalnym teściravańni i dapamozie ludziam, jakim lepš na čas epidemii samaizalavacca.
Źbivajučy chvalu previentyŭnym karancinam, kraina tym časam realizuje ekstranuju prahramu pavieličeńnia łožkaŭ u reanimacyjach u dva razy.
«Nichto nie viedaje, jak situacyja budzie raźvivacca ŭ nastupnyja tydni», — zaściaroh niamiecki ministr.
«Baraćba z epidemijaj karony tolki pačynajecca. Kolkaść vypadkaŭ budzie raści», — dadaŭ kiraŭnik Instytuta Robierta Kocha Robiert Viler.
Niamieččyna ŭvodziła abmiežavalnyja miery ŭ liku pieršych. Akramia taho, u krainie pravodzicca masavaje teściravańnie ŭsich asob z padazreńniami na karanavirus. Mahčyma, jaje sistema identyfikacyi infikavanych najlepšaja. Mienavita hetym tłumačycca, čamu ŭ Hiermanii na 40 tysiač vyjaŭlenych vypadkaŭ karanavirusa pakul tolki 229 śmiarotnych, tady jak u Italii na 74 tysiačy zaražanych — bolš za 7500 śmierciaŭ.
Usiaho ličba achviar pandemii ŭ śviecie pieravysiła 22 tysiačy, prytym što da piku pandemii jašče vielmi daloka. U Biełarusi ŭłady havorać pra 81 vypadak paćvierdžanaha karanavirusa bieź śmiarotnych zychodaŭ dahetul.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary