Letaś u kamandzie błohiera Uładzimira Cyhanoviča, stvaralnika jutub-kanała MozgOn, byli zaŭvažany «žyvyja čałavieki». Heta adepty SSSR, jakija nie pryznajuć raspadu Sajuza i admaŭlajucca ad usich sučasnych dakumientaŭ. A dniami dziŭnaja historyja zdaryłasia z samim Uładzimiram.
Błohier adbyvaje 15 sutak u izalatary časovaha ŭtrymańnia. Jaho žonka Natalla chacieła pieradać jamu rečy pieršaj nieabchodnaści. Ale tak i nie zmahła.
«Jon pieradaču nie prymaŭ, tamu što treba było stavić podpis u akcie. Jon nie chacieŭ jaho stavić, a milicyja pa zakonie nie maje prava pieradavać biez podpisu. Heta niaštatnaja situacyja, ź jakoj jany nikoli nie sutykalisia», — raskazała jana.
Pa słovach žonki, Uładzimir admoviŭsia padpisvać dakumienty, bo «siabie ličyć čałaviekam, a nie fizasobaj».
«Ja nie viedaju, što jon tam maje sabie na ŭvazie, jon paśla sam vam raskaža», — koratka adkazała Natalla.
Raniej Uładzimir Cyhanovič zapeŭnivaŭ, što nie źjaŭlajecca adeptam BSSR. Ale da «žyvych čałaviekaŭ» u kamandzie pretenzij nie mieŭ.
«Jany našy prychilniki, i ja da ich pazicyi staŭlusia spakojna. Heta pazicyja cikavaja, ja naziraju, što ŭ ich atrymajecca. Jany absalutna adekvatnyja», — kamientavaŭ tady błohier.
Čytajcie taksama: «Jany absalutna adekvatnyja» — u kamandu homielskaha błohiera MozgOn uvajšli «žyvyja čałavieki», adepty BSSR
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary