Siońnia ŭ Minsku i Navapołacku praciahvajucca sudy nad udzielnikami pikietaŭ pa zbory podpisaŭ za alternatyŭnych vyłučencaŭ u kandydaty ŭ prezidenty, piša spring96.org.
Tak, u sudzie Savieckaha rajona razhladałasia sprava youtube-błohiera — Uładzimira Cyhanoviča (MozgON).
Tak jak u dadzieny momant jon adbyvaje aryšt, sud prachodziŭ praz Skype. Błohier abvinavačvaŭsia ŭ tym, što ŭdzielničaŭ u akcyi kala Kamaroŭki 31 maja. Pa słovach śviedki, Cyhanovič nibyta «vykrykvaŭ łozunhi, prajaŭlaŭ niepavahu da ŭładaŭ», a taksama kryčaŭ «Žyvie Biełaruś!» i «Svabodu Cichanoŭskamu!».
U vyniku sudździa pryniała rašeńnie pakarać błohiera novymi 15 sutkami aryštu.
U sudzie Kastryčnickaha rajona razhladajecca sprava ŭ dačynieńni da błohiera Eduarda Palčysa. Paviedamlajecca, što jon taksama asudžany na 15 sutak
Atrymaŭ 15 sutak i błohier Mikałaj Masłoŭski (sud Frunzienskaha rajona).
Taksama ŭ Minsku prachodziać dystancyjnyja sudy nad Mikałajem Statkievičam, Maksimam Viniarskim. Sudzić Statkieviča — sudździa suda Maskoŭskaha rajona Taćciana Motyl.
U Navapołacku Alenu Radźkovu pakarali štrafam u 30 bazavych vieličyń (810 rubloŭ). Jaje sudzili pa pratakole pa art. 23.34 KaAP za toje, što 28 maja jana ŭziała ŭdzieł u niesankcyjanavanym pikietavańni.
Ciapier čytajuć
Što Babaryka i Kaleśnikava adkazali na pytańni pra vajnu92
Kamientary