Летась у камандзе блогера Уладзіміра Цыгановіча, стваральніка ютуб-канала MozgOn, былі заўважаны «жывыя чалавекі». Гэта адэпты СССР, якія не прызнаюць распаду Саюза і адмаўляюцца ад усіх сучасных дакументаў. А днямі дзіўная гісторыя здарылася з самім Уладзімірам.
Блогер адбывае 15 сутак у ізалятары часовага ўтрымання. Яго жонка Наталля хацела перадаць яму рэчы першай неабходнасці. Але так і не змагла.
«Ён перадачу не прымаў, таму што трэба было ставіць подпіс у акце. Ён не хацеў яго ставіць, а міліцыя па законе не мае права перадаваць без подпісу. Гэта няштатная сітуацыя, з якой яны ніколі не сутыкаліся», — расказала яна.
Па словах жонкі, Уладзімір адмовіўся падпісваць дакументы, бо «сябе лічыць чалавекам, а не фізасобай».
«Я не ведаю, што ён там мае сабе на ўвазе, ён пасля сам вам раскажа», — коратка адказала Наталля.
Раней Уладзімір Цыгановіч запэўніваў, што не з’яўляецца адэптам БССР. Але да «жывых чалавекаў» у камандзе прэтэнзій не меў.
«Яны нашы прыхільнікі, і я да іх пазіцыі стаўлюся спакойна. Гэта пазіцыя цікавая, я назіраю, што ў іх атрымаецца. Яны абсалютна адэкватныя», — каментаваў тады блогер.
Чытайце таксама: «Яны абсалютна адэкватныя» — у каманду гомельскага блогера MozgOn увайшлі «жывыя чалавекі», адэпты БССР
У Лагойску пекар адмаўляецца прадаваць свой хлеб пакупнікам, у якіх ёсць сабакі84
Каментары