Błohier Źmicier Kazłoŭ (Šery kot) taksama pryznany palitviaźniem
Błohiera Źmiciera Kazłova (Šery kot), u adnosinach da jakoha zaviedziena kryminalnaja sprava pa č. 1 art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak), pravaabarončaja supolnaść Biełarusi pryznaje palityčnym źniavolenym, paviedamlaje spring96.org.
Pry pryniaćci hetaha rašeńnia pravaabaroncy kiravalisia raniej pryniatymi zajavami biełaruskaj pravaabarončaj supolnaści ad 1, 9 i 11 červienia ab pryznańni palitźniavolenymi fihurantaŭ «spravy Cichanoŭskaha».
Na padstavie hetaha biełaruskija pravaabaroncy patrabujuć ad biełaruskich uładaŭ nieadkładnaha vyzvaleńnia Źmiciera Kazłova i spynieńnia raspačataha ŭ dačynieńni da jaho kryminalnaha pieraśledu.
Źmicier Kazłoŭ byŭ zatrymany 10 červienia razam z aktyvistami «Jeŭrapiejskaj Biełarusi» Arciomam Čarniakom i Michaiłam Bandarenkam. Na nastupny dzień jon byŭ asudžany na 20 sutak aryštu i, adpaviedna, musiŭ vyjści na volu 30 červienia. Ale jon i dalej zastajecca za kratami. Viadoma, što błohier pieraviedzieny ŭ SIZA-1 na vuł. Vaładarskaha.
Takim čynam, užo 17 čałaviek znachodziacca pad vartaj u miežach kryminalnych spraŭ pa art. 342 KK RB. Heta błohiery Siarhiej Cichanoŭski, Uładzimir Niaronski, Siarhiej Piatruchin, Alaksandr Kabanaŭ, Uładzimir Cyhanovič, Źmicier Kazłoŭ, Ihar Łosik, zatrymanyja paśla incydentu ŭ Hrodnie Źmicier Furmanaŭ, Viarhilij Ušak, Arciom Sakaŭ, Alaksandr Aranovič, Uładzimir Navumik, Vasil Babroŭski, Jaŭhien Raźničenka, Uładzimir Kniha, Andrej Novikaŭ, palityk Mikałaj Statkievič. 15 ź ich pryznanyja palityčnymi źniavolenymi.
I heta nie ŭličvajučy spravu Viktara Babaryki.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary13
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary