Viarchoŭny sud prysudziŭ eks-namieśnika dziaržsakratara Rady biaśpieki Andreja Uciuryna da 12 hadoŭ pazbaŭleńnia voli, piša BiełTA.
Sud pryznaŭ Uciuryna vinavatym u atrymańni i padbuchtorvańni da dačy chabaru (č. 3 art. 430 KK i č. 5 art. 16, č. 2 art. 431 KK). Pa sukupnaści złačynstvaŭ sudździa pastanaviŭ pryznačyć Uciurynu 12 hadoŭ pazbaŭleńnia voli ŭ kałonii ŭzmocnienaha režymu. Akramia taho, prysudam suda były namieśnik dziaržsakratara Rady biaśpieki pazbaŭleny zvańnia pałkoŭnika, jamu taksama zabaroniena na praciahu piaci hadoŭ zajmać peŭnyja pasady.
Andrej Uciuryn ź vieraśnia 2014 pa krasavik 2019 hoda byŭ namieśnikam dziaržsakratara Rady biaśpieki, ź listapada 2014-ha jašče i členam kalehii MUS, byŭ načalnikam słužby achovy Łukašenki.
Zatrymali Uciuryna 21 krasavika 2019 hoda paśla sustrečy ź jaho siabram Harbačovym. Tady ŭ restaranie pad Minskam rasijanin pieradaŭ jamu bolš za $148 tys.
Svaju vinu Uciuryn raniej na sudzie pryznavaŭ, adnak pakazvaŭ, što ŭ jaho «jość sumnievy ŭ asobnych pytańniach kvalifikacyi» jaho dziejańniaŭ. Jon raspaviadaŭ, što braŭ hrošy ŭ svajho siabra Harbačova pa damovie pazyki. Dziaržabvinavačańnie paličyła, što faktyčna Uciuryn svaju vinu nie pryznaŭ.
Kamientary