Hienadź Davydźka: Davajcie ŭ kuratniku praviadziem hałasavańnie ab metazhodnaści isnavańnia lisy. Navat 3% jana nie nabiare
Pra heta kiraŭnik «Biełaj Rusi» raspavioŭ u efiry Biełaruskaha Radyjo, piša Tut.by.
«U mianie parada adna: pierad uvachodam u vybarčuju kabinku čałaviek pavinien siabie ŭjavić pasažyram samalota, jaki traplaje ŭ turbulentnuju situacyju: napieradzie hrom, małanki, chmary, viaršyni hor. Jamu treba prahałasavać, chto budzie vieści hety samalot: krykun, jaki siadzić na apošnim miescy kala sanvuzła i nie vadziŭ samalot ni razu, žančyna, jakaja nie toje što ściuardesaj nie była, a pieršy raz naohuł sieła ŭ samalot, abo toj piłot, jaki ŭžo pakazaŭ, jak jon vodzić samalot i jaki harantuje, što jon daviazie da punkta pryznačeńnia ciabie jak pasažyra», — skazaŭ Davydźka.
Vykazaŭsia kiraŭnik «Biełaj Rusi» i pra hałasavańnie ŭ internecie.
«Słuchajcie, davajcie ŭ kuratniku praviadziem hałasavańnie ab metazhodnaści isnavańnia lisy. Dy tam navat troch pracentaŭ jana nie nabiare», — miarkuje jon.
Vykazaŭsia Hienadź Davydźka i pra pravy i svabody. «Ja nie prychilnik abmiežavańniaŭ svabod, abmiežavańni — jany lišnija. Ale, kali čałavieka ciahnie na zło, jon razburaje, to tut treba karać. Kali ty razburyŭ łaŭku ŭ parku, to budzieš adkazvać pierad zakonam. A kali ty razburyŭ dušu čałavieka? Ty svajoj prapahandaj u svaim błohu <…>. Pryčym, kali heta robicca za hrošy, čałaviek vykonvaje zakaz zamiežny, viadoma, heta pavinna być zakanadaŭča vyznačana vielmi vyrazna i žorstka».
-
«Ja adrazu zakachałasia ŭ jahonyja vočy». Žonka-ukrainka i siabar raskazvajuć pra zahinułaha biełaruskaha dobraachvotnika Vasila «Dzira» Rapickaha
-
Kačanava abmierkavała sa śpikieram parłamienta Azierbajžana situacyju na Blizkim Uschodzie i ŭdar pa Nachičevani
-
29‑hadovuju madel i psichołaha z Homiela asudzili za palityku. Mierkavana, za Hajuna
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary