Hramadstva2121

Šakujučyja FOTA paciarpiełych na mirnych akcyjach z Balnicy chutkaj dapamohi 

Da hetaha času nieviadoma dakładnaja kolkaść usich paciarpiełych, jakija byli dastaŭleny ŭ balnicy za čas žorstkich supraćstajańniaŭ na vulicach Minska i inšych haradoŭ Biełarusi z 9 žniŭnia. Karespandentu TUT.BY udałosia pahavaryć ź niekatorymi z pacyjentaŭ, jakija atrymali ciažkija traŭmy i zaraz prachodziać lačeńnie ŭ balnicy chutkaj miedycynskaj dapamohi (BCHMD) u stalicy.

Usie zdymki zroblenyja vyklučna sa zhody pacyjentaŭ, jak i dyjahnazy, jakija nazyvajucca. Hetyja fatahrafii ciažka hladzieć navat čałavieku z mocnaj psichikaj. Ustrymajciesia ad prahladu, kali vy vielmi ŭražlivyja.

Žurnalistam udałosia pahutaryć z šaściu pacyjentami, voś tolki koratka z dyjahnazaŭ: čerapna-mazhavaja traŭma, šmatlikija ŭdary i siniaki, traŭmatyčny šok, strasieńnie mazhoŭ, vybuchovaja traŭma, askiepkavyja ranieńni i navat razryŭ piečani.

Usie hieroi zajaŭlajuć, što ich źbili supracoŭniki siłavych viedamstvaŭ. Chtości ź ich dahetul znachodzicca ŭ reanimacyi, kahości narešcie vypisvajuć dadomu — ale napieradzie jašče miesiacy lačeńnia i reabilitacyi.

Voś hetyja ludzi: 20-hadovy Alaksiej Kuračoŭ, 34-hadovy Maksim Salnikaŭ, 21-hadovy Alaksandr Alchoŭski, 19-hadovaja Maryja Zajcava, 24-hadovy Kirył Piskaroŭ i 32-hadovy Alaksandr Paškoŭski.

Miedyki aburanyja, što da pacyjentaŭ, jakija paciarpieli ad źbićcia ŭ izalatarach, nie prychodziać sudova-miedycynskija ekśpierty, kab zadakumientavać paškodžańni.

«Naohuł, ekśpierty pryjazdžajuć u balnicu, ale nie da takich pacyjentaŭ. Nahadaju, vyklik ažyćciaŭlajecca śledčym, jaki viadzie spravu», — rastłumačyŭ adzin z daktaroŭ.

21-hadovy Alaksiej, fota Vadzima Zamiroŭskaha. 
Maksim. Vyjšaŭ u kramu pa cyharety i kala padjezda byŭ ciažka źbity. U jaho — razryŭ piečani. Fota Vadzima Zamiroŭskaha. 
Alaksandr, jaho «sustreli» ŭ dvary doma. Fota Vadzima Zamiroŭskaha. 
Maryja. U jaje trapiła śviatłošumavaja hranata. Dziaŭčyna da hetaha času nie čuje adnym vucham. Fota Vadzima Zamiroŭskaha. 
Kirył. Atrymaŭ vyvich plečavoj kostki ŭ vyniku źbivańniaŭ. Pa słovach chłopca, u adździaleńni milicyi jaho prymušali padniać ruki, a kali adna ź ich nie padymałasia, to bili znoŭ. Jaho rodnyja ŭžo padali zajavu z patrabavańniem raspačać kryminalnuju spravu. Fota Vadzima Zamiroŭskaha. 
Alaksandr. Jaho ź siabrami spynili na mašynie, zavałakli ŭ taniravany mikraaŭtobus, i pačalisia «žachi», kaža jon. Fota Vadzima Zamiroŭskaha. 

Kamientary21

Ciapier čytajuć

Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9

Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty

Usie naviny →
Usie naviny

Łarysa Hienijuš: čamu jana nie złamałasia24

Tramp: Pamiž Ukrainaj i Rasijaj maje adbycca abmien terytoryjami ŭ intaresach abodvuch bakoŭ21

U Sudanie źbili samalot Arabskich Emirataŭ ź dziasiatkami kałumbijskich najmitaŭ na borcie2

Piać hadoŭ tamu ŭ Biełarusi adbylisia prezidenckija vybary2

ZŠA, Ukraina i jeŭrapiejskija sajuźniki płanujuć sustrecca ŭ Vialikabrytanii pierad samitam Trampa i Pucina1

Dzie ciapier prakurorka Kaśjančyk, jakoj paśla 2020-ha admovilisia zdavać kvateru?11

Donald Tramp zajaviŭ, što sustreniecca z Pucinym 15 žniŭnia na Alascy10

Alijeŭ i Pašynian padpisali ŭ Biełym domie dekłaracyju ab spynieńni bajavych dziejańniaŭ7

«Dla palitviaźniaŭ siońniašniaja publikacyja Šustera, na žal, nie abiacaje ničoha dobraha»11

bolš čytanych navin
bolš łajkanych navin

Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9

Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty

Hałoŭnaje
Usie naviny →

Zaŭvaha:

 

 

 

 

Zakryć Paviedamić