Deputat Varaniecki: Pravilna było b stvaryć niešta nakštałt nacyjanalnaj rady
Pra heta deputat Valeryj Varaniecki skazaŭ u intervju «Źviaździe».
«Vidavočna, što ŭ krainie skłałasia vielmi składanaja, kryzisnaja situacyja. U hetych umovach nam usim treba być asabliva ŭvažlivymi adzin da adnaho, pavažać roznyja pazicyi i punkty hledžańnia, nie dzialić hramadstva na svaich i čužych… Treba zachavać hramadzianski mir i zhodu ŭ krainie. Heta samaje važnaje.
Mierkavaŭ by pravilnym u hetaj situacyi stvaryć niešta nakštałt nacyjanalnaj rady abo kruhłaha stała, jaki staŭ by miescam abmierkavańnia šlachoŭ vychadu z kryzisu i dalejšaha raźvićcia našaj krainy. Naturalna, što ŭ im pavinny ŭdzielničać aŭtarytetnyja pradstaŭniki ŭłady i hramadzianskaj supolnaści, palityčnych siłaŭ, hramadskich dziejačaŭ, rabočaha ruchu, carkvy i h.d. I, viadoma, udzielnikaŭ prezidenckaj honki.
Vielmi važna siońnia taksama zabiaśpiečyć nieŭmiašacielstva źniešnich aktoraŭ u našy ŭnutranyja spravy i našu vajenna-palityčnuju biaśpieku. U suviazi z hetym chaču nahadać ab harantyjach biaśpieki, dadzienych Biełarusi z boku Rasii, ZŠA, Vialikabrytanii i Francyi ŭ Budapiešckim miemarandumie 1994 hoda», — miarkuje Valeryj Varaniecki.
Kamientary