Pinskaha žurnalista asudzili na 10 sutak aryštu za akcyju, jakuju jon aśviatlaŭ
Pinskaha žurnalista Andreja Jakimuša 22 vieraśnia asudzili na 10 sutak aryštu za nibyta ŭdzieł u niesankcyjanavanaj akcyi 13 vieraśnia, jakuju jon aśviatlaŭ, paviedamlaje BAŽ.
Zaŭtra ŭ Pinsku buduć sudzić jašče adnaho žurnalista Viktara Jarašuka.
16 vieraśnia ŭ Minsku na 11 sutak administracyjnaha aryštu asudzili fotakarespandentaŭ Alaksandra Vasiukoviča i Uładzia Hrydzina, jakich zatrymali ŭviečary 13 vieraśnia ŭ minskim bary «1067» i abvinavacili ŭ nibyta ŭdziele ŭ niesankcyjanavanaj akcyi, jakuju žurnalisty aśviatlali.
15 vieraśnia ŭ Minsku na 15 sutak aryštu asudzili spartovaha žurnalista Siarhieja Ščurko.
15 vieraśnia ŭ Homli na 10 sutak aryštu asudzili žurnalistku Marynu Drabyšeŭskuju, a 17 vieraśnia — na 15 sutak aryštu jaje kalehu žurnalista Jaŭhiena Mierkisa, abodvuch sudzili za nibyta ŭdzieł u niesankcyjanavanym mierapryjemstvie.
6 vieraśnia ŭ Pinsku asudzili na 10 sutak žurnalista sajta «Miedyja-Paleśsie» Jaŭhiena Mikałajeviča. Z 1 pa 4 vieraśnia pa troje sutak za kratami praviali Maryja Elaševič, Nadzieja Kalinina, Mikita Niedavierkaŭ i Siarhiej Ščohaleŭ.
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca15
Kamientary