U Hrodnie padčas dabračynnaj sustrečy zatrymali dyrektarku dziciačaha chośpisa
U adnym sa dvaroŭ u mikrarajonie Alšanka prachodziła dabračynnaja sustreča z pradstaŭnikami Hrodzienskaha dziciačaha chośpisa, na jakoj dyrektarka arhanizacyi raspaviadała pra chośpisnuju dapamohu i mahčymaści dla vałancioraŭ. Na sustreču pryjechali spačatku supracoŭniki milicyi ŭ formie, a potym i AMAP. Dyrektarka chośpisa Volha Vialička była zatrymanaja, paviedamlaje Tut.by.
— Usio adbyvałasia ŭ dvary na vulicy Ahinskaha. Volha raspaviadała pra arhanizacyju, pra dziaciej, pra toje, jak možna dapamahčy ciažkachvorym dzieciam. Na sustreču sabrałasia nie vielmi šmat ludziej. Pryjechali milicyjaniery z hučnahavarycielem, pačali kazać, kab my razychodzilisia i mierapryjemstva niezakonnaje. Nichto nie razychodziŭsia, supracoŭniki adyšli i praź niejki čas pryjechaŭ AMAP. Volhu zatrymali. Spačatku kazali, što za arhanizacyju masavaha mierapryjemstva, a potym skazali, što za ŭdzieł u mitynhu 6 vieraśnia, adnak u toj dzień nijakich mitynhaŭ u horadzie nie było. Moža, jany niešta nabłytali. Tym nie mienš, jaje zabrali i skazali, što mohuć pratrymać jaje try hadziny dla raźbiralnictva, — raspaviali hrodziency.
Volhu advieźli ŭ RAUS Kastryčnickaha rajona Hrodna.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu1
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary