Apublikavany dakumient AP Rasii ab stratehii zachavańnia ŭpłyvu ŭ Biełarusi z ulikam niepapularnaści Łukašenki
Rasijskaje internet-vydańnie The Insider raskazała pra płan rasijskich uładaŭ adnosna Biełarusi. Redakcyja atrymała dakumienty z upraŭleńnia Administracyi prezidenta Rasii pa mižrehijanalnych i kulturnych suviaziach z zamiežnymi krainami, jakoje ŭznačalvaje hienierał SVR Rasii Uładzimir Čarnoŭ.
U adnym z dakumientaŭ, datavanym 3 kastryčnika, Uładzimir Čarnoŭ adznačaje, što ŭ Biełarusi «raście masavaje i hłybinnaje nieprymańnie prezidenta Alaksandra Łukašenki, jakoje ŭsio macniej zachoplivaje administratyŭnyja płasty».
Čynoŭnik nastojvaje na nieabchodnaści ŭ najbližejšym časie pravieści ŭ Biełarusi kanstytucyjnuju reformu i pieradaču ŭłady parłamientu, dzie da ŭłady pavinny pryjści siły, łajalnyja Maskvie.
«Krytyčna nieabchodna, u pryvatnaści, dać mahčymaść vybarščykam, krytyčna nastrojenym da ŭłady i pazityŭna — da Rasii (heta bolšaść!), atrymać palityčnaje pradstaŭnictva i navat bolšaść u parłamiencie RB, što zrobić ŭnutranuju i zamiežnuju palityku krainy bolš peŭnaj», — havorycca ŭ dakumiencie, apublikavanym u The Insider.
«Naša Niva» nie moža acanić sapraŭdnaść hetaha dakumienta.
Vydańnie taksama publikuje dakumient «Stratiehija raboty v Riespublikie Biełoruśsija», jaki, mahčyma, ujaŭlaje saboj prapanovu, raspracavanuju kimści z prarasijskich dziejačaŭ Biełarusi ci ludziej z koła eks-pasła Babiča.
Vydańnie publikuje taksama prajekt prahramy prarasijskaj partyi z praŭkami, zroblenymi čałaviekam, jakoha zavuć Mikita Łahavy. Taki čałaviek isnuje, heta 28-hadovy syn ułaśnika TAA «Farmłend» Ivana Łahavoha. Publikujecca i «śpis aktyvu», da pracy ź jakim Rasii prapanujecca źviarnucca, u im fihuruje i Łahavy-starejšy. Mahčyma, havorka pra śpis ludziej, jakich rekamienduje składalnik prajekta prahramy dadzienaj partyi.
Adzin ź ludziej sa śpisu paćvierdziŭ «Našaj Nivie» fakt kantaktaŭ z rasijskimi analitykami.
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary