U Miensk prylacieŭ pieramožca Jeŭrabačańnia Alaksandr Rybak
Pozna ŭ čaćvier u Miensk prylacieŭ pieramožca Jeŭrabačańnia Alaksandr Rybak. Jaho zaprasiŭ telekanał ANT dla ŭdziełu ŭ šerahu svaich prajektaŭ.
Pryvatny samalot pryziamliŭsia ŭ aeraporcie Minsk-1 pozna ŭviečary. Na borcie było piać čałaviek - Alaksandr i jahonaja mama, a taksama dva chłopcy i dziaŭčyna.
Pakolki Rybak prylacieŭ pa zaprašeńni ANT, na sustreču sa śpievakom nie puścili žurnalistaŭ. Jany čakali na vulicy, razam ź niekalkimi dziesiatkami fanatak, pieravažna školna-studenckaha ŭzrostu.
Tymčasam, la trapu Rybaka sustreli try skrypački, jakija vykanali jahonuju «Kazku». Zatym śpievaku ŭručyli tort u vyhladzie zubra. Žyviolina, praŭda, atrymałasia nievyraznaj, tamu Alaksandr zapytaŭsia: «Heta žaba ci ryba?»
Niepasredna ŭ mienskim aeraporcie narviežskamu hramadzianinu ź biełaruskimi karaniami aformili miascovuju vizu. Zatym ANTšnyja achoŭniki zrabili «kalidor» i vielmi chutka praviali śpievaka da mikraaŭtobusa, što byŭ pryparkavany ŭ niekalkich mietrach ad dźviarej aeraporta.
Fanatkam nie pašancavała — ni aŭtohrafa, ni pavietranaha pacałunka. Rybak tolki na imhnieńnie vysunuŭsia z aŭto i koratka padziakavaŭ usim prysutnym na čyściutkaj rasiejskaj movie.
Načavać śpiavak budzie ŭ hateli Crowne Plaza. Zaŭtra Rybak voźmie ŭdzieł u kancercie «Novyja hałasy Biełarusi». Kažuć, što siarod hledačoŭ budzie sam Łukašenka.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary