KDK prapanuje takija źmieny ŭ padatkaabkładańnie IP, što los małoha biznesu vyhladaje biazradasna

Tak, KDK prapanuje: 

— Admianić adziny padatak i zamianić jaho sproščanaj sistemaj padatkaabkładańnia;

— Pavysić padatki dla IP da 16% na jurydyčnyja, buchhałtarskija, markietynhavyja, kansultacyjnyja, aŭdytarskija «i inšyja» pasłuhi; 

— Uvieści 13% płatu za źniaćcie hatoŭki zvyš za try tysiačy rubloŭ u miesiac (abo zvyš troch siarednich zarobkaŭ pa krainie);

— Uzmacnić kryminalnuju adkaznaść za padatkovyja parušeńni;

— Pavysić adličeńni ŭ FSAN;

— Zabaranić najaŭnyja płaciažy praz uviadzieńnie dadatkovych kamisij za raźlikova-kasavaje absłuhoŭvańnie. 

Hetyja prapanovy pabačyli śviet paśla abureńnia Łukašenkam IPšnikami i biznesam na «Usiebiełaruskim narodnym schodzie». 

Čytajcie: NEPu kaniec: 5 vysnoŭ z «Usiebiełaruskaha narodnaha schodu»

KDK kirujecca dumkaj, što bolšaść IPšnikaŭ nibyta ŭ poŭnaj miery nie niasuć «sacyjalnych abaviazkaŭ» pierad dziaržavaj, bo ich padatkovy ŭdzieł minimalny. 

Pry hetym, u isnym zakonie jasna prapisana, što karystacca sproščanaj sistemaj padatkaabkładańnia (a ciapier heta 3% ci 5% ad supolnaj vyručki ŭ zaležnaści ad vidu dziejnaści) možna tolki da dasiahnieńnia peŭnaha pamieru abarotaŭ, paśla jakich padatkaabkładańnie pavialičvajecca. 

KDK nie prapanuje źnizić hety barjer, a prapanuje adrazu padniać padatki dla ŭsich, što jasna ŭkazvaje na sapraŭdnyja pryčyny i matyvacyju novaŭviadzieńniaŭ. 

Kantralory ličać, što isnaja sistema, niečakana, «dazvalaje subjektam haspadarańnia chutka ŭzbahačacca za košt płaciažoŭ nasielnictva i pry hetym mieć minimalnyja padatkovyja abaviazki pierad dziaržavaj». 

Pavialičyć

Miescami KDK pramym tekstam piša, što mały biznes u krainie varta źniščyć: 

«Častkova [zachady] dazvolać źnizić pryvabnaść dla IP hetych vidaŭ dziejnaści i buduć spryjać ich pracaŭładkavańniu na štatnuju pasadu z vypłataj FSAN, a taksama źmienšyć vyhadu dla subjektaŭ haspadarańnia pry zaklučeńni razavych damovaŭ dla vyvadu srodkaŭ», — havorycca ŭ liście z prapanovami. 

Pakul niezrazumieła, jak na prapanovy reahuje šyrokaja supolnaść indyvidualnych pradprymalnikaŭ. 

Adzin ź IPšnikaŭ skazaŭ «Našaj Nivie» litaralna nastupnaje: 

«Ja supracoŭničaju ź IT-kampanijaj, jakaja maje jurydyčnyja asoby pa ŭsim SND. Płacić 16% padatkovaj ja nie budu, mnie praściej adkryć anałah IP u Rasii ci Ukrainie, i vieści dziełavyja adnosiny pamiž zamiežnymi jurydyčnymi asobami. U vyniku, dziaržava nie atrymaje bolš, jana nie atrymaje i taho, što mieła ad majoj dziejnaści raniej», — skazaŭ pradprymalnik. 

Pavialičyć

• 0
• 0
• 0
• 0
• 0
• 0
• 0
• 0