Hramadstva

Da pravaabaroncaŭ i žurnalistaŭ pa ŭsioj krainie, a taksama kiraŭnictva BAŽ pryjšli siłaviki

Siońnia ranicaj siłaviki pryjšli amal da dvuch dziasiatkaŭ pravaabaroncaŭ i žurnalistaŭ

Fota Tut.by

«Da mianie łomiacca ŭ dźviery. Trymajciesia, kalehi. My ničoha nie parušajem», — napisaŭ pres-sakratar Biełaruskaj asacyjacyi žurnalistaŭ Barys Harecki ŭ fb. Post źjaviŭsia a 7.27 ranicy. Ciapier Harecki nie adkazvaje na telefanavańni.

Kala 7.50 pra toje, što da jaho taksama «pryjšli», paviedamiŭ kiraŭnik BAŽ Andrej Bastuniec. Pryjšli i da namieśnika staršyni arhanizacyi Aleha Ahiejeva.

Paźniej stała viadoma, što Andreja Bastunca zabrali supracoŭniki HUUS Minharvykankama. Doma pieratrus nie pravodzili, skazaŭšy što jon budzie pravodzicca ŭ ofisie BAŽ. 

Ale pryjechali ź pieratrusam da žonki Andreja Bastunca Sabiny Bryło. Supracoŭniki milicyi kanfiskavali telefony ŭ jaje syna i jahonaj dziaŭčyny.

Paśla 9-j ranicy ŭ ofisie BAŽ u biznes-centry «Vietraź» na Kalvaryjskaj, pačaŭsia pieratrus. Pieratrus pravodziać supracoŭniki, jakija pradstavilisia supracoŭnikami MUS. U ramkach jakoha artykuła pravodzicca pieratrus, nie ŭdakładnili.

Pieratrus u ofisie BAŽ skončyŭsia ŭ 12:05. Dźviery apiačatali.

Tut.by
Andrej Bastuniec, fota Biełsat

Pravodzicca pieratrus taksama ŭ ofisie pazbaŭlenaj rehistracyi pravaabarončaj arhanizacyi «Viasna»

***

Pieratrusy siońnia ad samaj ranicy adbyvajucca ŭ homielskich žurnalistaŭ Łarysy Ščyrakovaj i Anatola Hatoŭčyca.

U Mahilovie pieratrus pravodzicca na kvatery žurnalista-fryłansiera Alesia Burakova-małodšaha, a taksama Alaksandra Burakova-starejšaha, piša «Viasna».

Paviedamlajecca, što adbyvajucca pieratrusy i ŭ pravaabaroncaŭ Alaksieja Kołčyna i Barysa Buchiela (Mahiloŭ), Uładzimira Cielapuna (Mazyr), Aleny Maślukovaj (Śvietłahorsk), Andreja Pałudy.

Prajšoŭ taksama pieratrus u baćkoŭ viciebskaj pravaabaroncy Iryny Traćciakovaj. Zabrali fłešku i knižku «Manitorynh adździaleńniaŭ milicyi». Sama Iryna na voli.

Pačaŭsia pieratrus u pres-sakratara Biełaruskaha Doma pravoŭ čałavieka imia Barysa Zvozkava Jaŭhienii Paraščanki.

U Breście pryjšli ź pieratrusami da baćkoŭ vałanciorak Kaciaryny Bažko i Hanny Bahdanovič. Telefon pravaabaroncy Uładzimira Vialičkina niedasiažny.

Pravodzicca vobšuk u Minsku ŭ kvatery maci pravaabaroncy Natalli Sacunkievič.

Taksama vobšuk byŭ u jurystki Kryściny Rychter (342 art. KK), zabrali telefon, dakumienty, datyčnyja da dziejnaści BAŽ.

Vobšuk u Homieli taksama prachodzić u aktyvista i vałanciora Valeryja Ślapuchina.

Mahčyma, iduć pieratrusy ŭ Ihara Komlika, Andreja Komlika-Jamacina

Ad samaj ranicy niedasiažnyja telefony jurysta «Viasny» Paŭła Sapiełki i pravaabaroncy Źmitra Sałaŭjova. Nie adkazvajuć na telefonnyja zvanki lidar REP Hienadź Fiadynič i staršynia prafsajuzu Vasil Zavadcki.

Paviedamlajecca pra pieratrus va Uładzimira Kacory z Homiela

U Rečycy milicyja zładziła pieratrus u baćkoŭ pravaabroncy, adnaho ź lidaraŭ fondu By_Sol Andreja Stryžaka. Zabrali dysk ad kampjutara i stary mabilny telefon.

U Homieli taksama prajšoŭ pieratrus u nastaŭnicy Nadziei Łašenka-Kazakovaj. U listapadzie jaje ź siabroŭkaj zatrymała milicyja za «adzieńnie pratestnych koleraŭ». Taksama z ranicy pa miescy rehistracyi aktyvistki Śviatłany Karol pad dźviaryma kvatery dziažurać niekalki supracoŭnikaŭ u milicejskaj formie. U kvatery nikoha niama.

U kvatery baćki žurnalista Jaŭhiena Mierkisa adbyŭsia pieratrus. Zabrali techniku (kampjutar brata i baćki, telefony).

Pieratrus taksama prajšoŭ u homielskaha aktyvista Illi Mironava. Jon zajmajecca dapamohaj tym, chto trapiŭ pad palityčny pieraśled ci pavodle artykuła 23.34 KaAP. Viadoma što ŭ Mironava zabrali ŭsiu techniku i telefony

Paviedamlajecca, što mahiloŭskija pravaabaroncy Kołčyn i Buchiel zatrymanyja.

U pravaabaroncy z Rečycy Valeryja Pucickaha nie adkazvaje telefon. Pieratrus u pravaaabaroncy i žurnalista z Rečycy Andreja Miadźviedzieva.

Paźniej Śledčy kamitet prakamientavaŭ pieratrusy

«Śledčym kamitetam praciahvajecca rasśledavańnie kryminalnaj spravy pa art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa Biełarusi.

U miežach papiaredniaha rasśledavańnia z metaj ustanaŭleńnia abstavinaŭ finansavańnia pratestnaj dziejnaści śledstvam inicyjavana praviadzieńnie pieratrusaŭ u arhanizacyjach, jakija pazicyjanujuć siabie jak pravaabarončyja.

Praviadzieńnie pracesualnych dziejańniaŭ daručana supracoŭnikam HUBAZiK MUS i sankcyjanavanaje Hienieralnaj prakuraturaj. Kančatkovaja pravavaja acenka situacyi budzie dadziena paśla praviadzieńnia ŭsiaho kompleksu pracesualnych dziejańniaŭ», — havorycca ŭ pres-relizie.

Kamientary

Ciapier čytajuć

Polšča pryznała Alaksandra Mašenskaha niepažadanaj asobaj23

Polšča pryznała Alaksandra Mašenskaha niepažadanaj asobaj

Usie naviny →
Usie naviny

Maštabny zboj u troch biełaruskich bankach: z rachunkaŭ źnikajuć hrošy9

Pad Minskam mašyna źbiła łasia — zahinuli dva čałavieki, paciarpieŭ viadomy komik1

U Rasii chłopiec na «Leksusie» efiektna vylataŭ na nabiarežnuju dziela pryhožaha videa. Zahinuŭ sam i dźvie siabroŭki15

«Vitajem na radzimie». Biełarus raspavioŭ pra zatrymańnie na miažy za łajk i sapsavany adpačynak10

U Italii znajšli cieła 18-hadovaj ukrainskaj studentki. U dzień śmierci joj admovili ŭ praciahu stažyroŭki

Načalnik suviazi 8-j armii zahinuŭ u vyniku ŭdaru ŭkrainskimi rakietami

Tolki adzin vypusknik zdavaŭ centralizavany ekzamien pa hetym pradmiecie3

Natalla Piatkievič praciahvaje vyhulvać amierykanski harderob16

Kinołah raskazała pra prosty test na vychavanaść sabaki1

bolš čytanych navin
bolš łajkanych navin

Polšča pryznała Alaksandra Mašenskaha niepažadanaj asobaj23

Polšča pryznała Alaksandra Mašenskaha niepažadanaj asobaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić