Ekanomika

Bloomberg: Biełaruskija ajcišniki masava emihrujuć pad upłyvam represij

IT-siektar Biełarusi, što prynosiŭ dziaržavie značnyja dachody, na vačach raspadajecca, piša suśvietnaje biznes-vydańnie.

Demanstranty ŭzdoŭž MKAD nasuprać PVT z nacyjanalnymi ściahami. 14 žniŭnia 2020 hoda

Usim viadomy dadatak dla abmienu paviedamleńniami Viber i lehiendarnaja anłajn-hulnia World of Tanks źjavilisia dziakujučy talenavitym biełarusam. U 2019 hodzie ekspart praduktaŭ IT-siektara prynios Biełarusi $2,2 miljarda. Adnak ciapier budučynia biełaruskaha IT staić pad vialikim pytańniem, bo ŭsio bolš biełaruskich śpiecyjalistaŭ vymušanyja źjechać praź pieraśled łukašenkaŭcami, piša Bloomberg.

Niekatoryja IT-kampanii častkova ci całkam pieranieśli svaje ofisy za miažu.

Japonskaja kampanija Rakuten, jakaja vałodaje Viber, adna ź pieršych zakryła svoj ofis u Biełarusi paśla žorstkaha źbićcia pratestoŭcaŭ AMAPam u žniŭni.

Alaksandr Kuŭšynaŭ, top-mieniedžar kampanii Gurtam, jakaja stvaraje sistemy dla GPS-manitorynhu, pakinuŭ krainu paśla taho, jak ubačyŭ siabie na dziaržaŭnym telebačańni ŭ repartažy ab rasśledavańni ŭ Pandadoc — jašče adnoj technałahičnaj kampanii, dzie pracavaŭ jaho brat Viktar.

«My dumali, što heta budzie karotkaja pracoŭnaja pajezdka, tamu navat nie brali zimovaj vopratki. Prajšło paŭhoda, my ŭsio jašče tut, a moj brat Viktar — za kratami», — kaža 38-hadovy Alaksandr Kuŭšynaŭ, jaki ciapier žyvie ŭ Vilni, kudy častkova pierajechała jaho kampanija.

Vializnaja strata dla ekanomiki Biełarusi stanovicca prybytkam dla susiednich krain, u pryvatnaści, dla Litvy, jakaja chutčej za ŭsie krainy ES rehistruje vysokatechnałahičnyja kampanii, bo imkniecca pryciahnuć u svaju ekanomiku jak maha bolš inavacyj.

Litoŭski ŭrad stvaryŭ dla hetaha ŭsie ŭmovy. Biełaruskija kampanii mohuć paskorana atrymać licenziju, a supracoŭniki — karystacca lhotami. Akramia hetaha, Litva spraściła atrymańnie vizy dla biełaruskich IT-śpiecyjalistaŭ.

Bolš za 40 biełaruskich IT-kampanij rełakujuć u Litvu bolš za 900 supracoŭnikaŭ. Jašče 30 kampanij uzvažvajuć taki pieranos.

Litva — nie adzinaja kraina, kudy pierajazdžajuć biełaruskija prahramisty. Za ich zmahajucca taksama Polšča i Ukraina. 

Pa słovach Śviatłany Cichanoŭskaj, kampanii, jakija pakidajuć Biełaruś, z radaściu viernucca nazad, kali Łukašenka sydzie. Mienavita tamu bolšaść ź ich pierajazdžajuć častkova, bo spadziajucca, što situacyja palepšaje.

«My ŭsio tak ža ličym Biełaruś svaim domam, — kaža Alaksandr Kuŭšynaŭ. — Ale čym daŭžej zastaješsia za miažoj, tym praściej praciahvać budavać svajo žyćcio tut — navat kali na radzimie situacyja źmienicca».

Kamientary

Ciapier čytajuć

Vylecieła ŭ nieviadomym kirunku śpikierka KR Anžalika Mielnikava30

Vylecieła ŭ nieviadomym kirunku śpikierka KR Anžalika Mielnikava

Usie naviny →
Usie naviny

U milicyi nazvali pamier chabaru, jaki ŭziaŭ namieśnik dyrektara Biełaruskaj čyhunki6

Minčuki raźmiatajuć śviežy biarozavik1

Pucin prapanavaŭ uvieści źniešniaje kiravańnie va Ukrainie dla praviadzieńnia vybaraŭ i paabiacaŭ dabić USU20

U milicyi raskazali, jak znajšli zabojcu dvuch čałaviek u Rahačoŭskim rajonie1

305 rubloŭ za cukarnicu, 456 za zavarnik: ceny ŭ anłajn-kramie Śviata-Jelisaviecinskaha manastyra šakujuć19

Apieracyja pa pošuku sałdataŭ ZŠA, što pravalilisia ŭ bałota ŭ Litvie, doŭžyłasia ŭsiu noč2

Hety maleńki źviarok moža raskryć sakret baraćby sa stareńniem6

«Rychtavacca da najhoršaha»: Makron zajaviŭ, što ŭ Paryžy abmiarkoŭvali płany padtrymki Ukrainy biez ZŠA2

Biełarusy vykupili pad Minskam dzieviać učastkaŭ, kab žyć ciesnaj kampanijaj. Adno miesca jašče vakantnaje18

bolš čytanych navin
bolš łajkanych navin

Vylecieła ŭ nieviadomym kirunku śpikierka KR Anžalika Mielnikava30

Vylecieła ŭ nieviadomym kirunku śpikierka KR Anžalika Mielnikava

Hałoŭnaje
Usie naviny →

Zaŭvaha:

 

 

 

 

Zakryć Paviedamić