U Mjanmie prajšła ŭsieahulnaja zabastoŭka, u jakoj uziali ŭdzieł miljony ludziej. U mnohich haradach krainy byli začynienyja pradpryjemstvy, banki, bujnyja handlovyja centry i nievialikija kramy, spynieny čyhunačnaje i aŭtobusny ruch, paviedamlaje Jeŭrańjus.
Ludzi vyjšli na vulicy, pratestujučy suprać vajennaha pieravarotu, jaki adbyŭsia tut 1 lutaha. Z tych časoŭ u krainie praciahvajucca manifiestacyi pratestu, a achviarami sutyknieńniaŭ z palicyjaj stali pa mienšaj miery dva čałavieki, ale heta nie spyniła demanstrantaŭ.
Voś što jany kažuć:
— Ščyra kažučy, mnie było strašna vychodzić na vulicu. Ale što b ni zdaryłasia, heta naš abaviazak, i my prymajem udzieł u akcyi.
— Nie chaču, kab našaj krainaj kiravali vajskoŭcy. Pry takim režymie my bajalisia b usie razam vyjści na vulicu. Tamu my pratestujem ciapier, choć taksama strašna.
Vajskoŭcy abviaścili pra ŭviadzieńnie ŭ krainie nadzvyčajnaha stanovišča terminam na hod. Lidar krainy Aun San Su Čžy pa-raniejšamu znachodzicca pad chatnim aryštam. Niahledziačy na masavyja prajavy niezadavolenaści, vajskoŭcy zajaŭlajuć, što nie majuć namieru sastupać pratestoŭcam.
Čytajcie:
Mjanma: što adbyvajecca, kali siłaviki robiacca ŭładnaj kastaj
Viktar Marcinovič: Jak kančajecca demakratyja. Uroki Mjanmy
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam7
Kamientary