Francuzskaja prakuratura vystaviła 72-hadovamu akcioru Žeraru Depardjo abvinavačvańni ŭ zhvałtavańni i seksualnym hvałcie ŭ dačynieńni da 20-hadovaj aktrysy ŭ 2018 hodzie, paviedamlaje meduza sa spasyłkaj na AFP.
Rasśledavańnie spravy spynili ŭ 2019 hodzie z-za adsutnaści dokazaŭ, ale letam 2020 hoda jaho adnavili paśla skarhi aktrysy. 16 śniežnia prakuratura vystaviła Depardjo abvinavačvańni.
Raniej hazieta Le Parisien pisała, što Depardjo jak siabar baćki žančyny prapanavaŭ joj dapamohu ŭ karjery, zaprasiŭ na repietycyju ŭ svoj dom u Paryžy, dzie nibyta zhvałtavaŭ 7 i 13 žniŭnia 2018 hoda. Krynica AFP paćvierdziła, što Depardjo — siabar siamji aktrysy, ale, pa jaje słovach, «na sustrečy nie było ničoha prafiesijnaha».
Advakat akciora Ervie Temim paviedamiŭ AFP, što Žerar Depardjo znachodzicca na voli, ale pad sudovym nahladam. Pa jaho słovach, Depardjo «całkam adkidaje abvinavačvańni».
Depardjo, nahadajem, niekalki razoŭ naviedvaŭ Biełaruś, u 2019-m jon atrymaŭ učastak ziamli u Łaparovičach pad Minskam, kab pažyć «siarod sialan».
Kamientary