Pres-sakratarka Biełaha doma Kerałajn Levit ahučyła klučavyja zadačy maštabnaj vajskovaj kampanii «Epičnaja lutaść», jakuju pravodziać Złučanyja Štaty suprać iranskaha režymu.
Pavodle zajavy, prezident Donald Tramp vyznačyŭ mety apieracyi dla harantavańnia nacyjanalnaj biaśpieki ZŠA i stabilnaści ŭ śviecie.
Keralin Livit vyłučaje nastupnyja mety apieracyi.
Demilitaryzacyja — źniščeńnie ŭsich rakietnych zapasaŭ i vytvorčych mahutnaściaŭ Irana, a taksama poŭny razhrom vajskova-marskich sił krainy.
Baraćba z teraryzmam — niejtralizacyja iranskich proksi-hrup, jakija destabilizujuć rehijon.
Jadziernaja biaśpieka — kančatkovaje harantavańnie taho, što Iran nikoli nie zmoža stvaryć jadziernuju bojehałoŭku.
Keralin Livit paviedamiła, što z pačatku apieracyi «Epičnaja lutaść» užo likvidavany 49 vyšejšych kiraŭnikoŭ iranskaha režymu, uklučajučy viarchoŭnaha lidara ajatału Ali Chamieniei.
U Biełym domie dadali, što prezident Tramp ličyć hetyja kroki nieabchodnymi dla spynieńnia 47‑hadovaj ahresii Irana suprać Zachodniaj cyvilizacyi.
«Amieryka pieramoža — terarysty buduć razhromlenyja», — reziumavała pres-sakratarka, adznačyŭšy, što čas «słabaści i bajaźlivaści» ŭ dačynieńniach z Tehieranam skončyŭsia.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki31
Kamientary