Śledčy kamitet pieradaŭ u Hienieralnuju prakuraturu dakumienty na ekstradycyju Śviatłany Cichanoŭskaj. Viedamstva siońnia paviedamiła, što zavieršana rasśledavańnie kryminalnaj spravy ŭ dačynieńni da čatyroch davieranych asob Cichanoŭskaj.
Śledčy kamitet zaviaršyŭ rasśledavańnie kryminalnaj spravy ŭ dačynieńni da čatyroch davieranych asob Śviatłany Cichanoŭskaj, paviedamlaje viedamstva. Hetyja abstaviny stali viadomyja padčas rasśledavańnia kryminalnaj spravy ŭ dačynieńni da Siarhieja Cichanoŭskaha i vyłučanyja ŭ asobnuju vytvorčaść.
«Pravaachoŭniki atrymali infarmacyju ab tym, što asoby z najbližejšaha atačeńnia Śviatłany Cichanoŭskaj rychtujucca da masavych biesparadkaŭ i zachopu budynkaŭ dziaržaŭnych orhanaŭ na terytoryi Homiela [razmova pra pačatak žniŭnia]. Dla ažyćciaŭleńnia płana apošnija šukali achvotnych siarod byłych vajskoŭcaŭ, supracoŭnikaŭ orhanaŭ unutranych spraŭ i Ministerstva pa nadzvyčajnych situacyjach. Z metaj prapracoŭki i padrabiaznaha płanavańnia svaich dziejańniaŭ, abvinavačanyja 5 žniŭnia arhanizavali sustreču, na jakoj prysutničała, u tym liku, sama Cichanoŭskaja», — skazana ŭ paviedamleńni.
Viedamstva publikuje videazapis: «Zhodna z zaklučeńniem fonaskapičnaj ekśpiertyzy, hałasy na videazapisy naležać abvinavačanym, eks-kandydatu i jaje davieranym asobam».
«Abvinavačanyja ź jaje ŭdziełam abmiarkoŭvali płan pa arhanizacyi masavych biesparadkaŭ u Homieli, a taksama zachopu budynkaŭ administracyj i vykankamaŭ, pryznačeńni zamiest kiraŭnikoŭ i staršyniaŭ svaich asob.padtrymaŭšy płan, jana pahadziłasia vydać hrašovyja srodki na zakupku elektrašokieraŭ, hazavych bałončykaŭ, racyj, miehafonaŭ, mikrafonaŭ, inšych pradmietaŭ i pryład, pryznačanych dla ździajśnieńnia złačynstva», — raspaviali ŭ Śledčym kamitecie.
Asnoŭnych fihurantaŭ zatrymali z 6 pa 8 žniŭnia. Im pradjaŭlenaje vystaŭlena abvinavačvańnie pa č. 1 art. 13, č. 2 art. 293 (padrychtoŭka da masavych biesparadkaŭ) i pa č.1 art. 13, č. 1 art. 292 (padrychtoŭka da zachopu budynkaŭ i zbudavańniaŭ) Kryminalnaha kodeksa Biełarusi. Usie znachodziacca pad vartaj.
U Śledčym kamitecie taksama zajavili, što Cichanoŭskaja ciapier abvieščanaja ŭ vyšuk. Adpaviednyja dakumienty na jaje ekstradycyju pieradadzienyja ŭ Hienieralnuju prakuraturu.
Rasśledavańnie kryminalnaj spravy zavieršana. Materyjały pieradadzienyja prakuroru dla nakiravańnia ŭ sud.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA4
Kamientary