Cierciel raspavioŭ pra try viadomyja śpiecsłužbam scenary pa destabilizacyi situacyi ŭ krainie 25-27 sakavika

— Scenar raspracoŭvajecca za miažoj. Datyčnyja tyja asoby, jakija ŭ svoj čas pakinuli našu krainu. Jon praduhledžvaje, što krajnimi pa hetym scenary buduć viadomyja ŭ apazicyi asoby: Kastusioŭ, Hubarevič i niekatoryja inšyja, a taksama tak zvanyja kaardynatary damavych čataŭ. Praduhledžvajecca, što arhanizatary atrymajuć asnoŭnyja finansavyja dyvidendy, a tyja asoby, jakija raspačnuć sprobu aficyjnaj arhanizacyi mierapryjemstva, paśla buduć adkazvać za vyvad ludziej na niesankcyjanavanuju častku mierapryjemstva na vulicach z elemientami pravakacyj, mahčymymi paciarpiełymi ź liku prostych hramadzian i niejkimi nadzvyčajnymi situacyjami.

Pavodle jaho słoŭ, adzin sa scenaryjaŭ praduhledžvaje padaču aficyjnaj zajaŭki na praviadzieńnie mierapryjemstva 25 sakavika, zbor ludziej na płoščy Jakuba Kołasa, marš da Teatra opiery i baleta, zatym — niekantralujemy vychad ludziej «pa zakliku viadomych telehram-kanałaŭ», sutyknieńnie z pravaachoŭnikami, mahčyma, bolš žorstkija scenary z udziełam trecich asob i z naniasieńniem kalectvaŭ ludziam.

— Druhi scenar praduhledžvaje padaču pa zajaŭnym pryncypie zajaŭki na praviadzieńnie aficyjnych mierapryjemstvaŭ u rajonie płoščy Banhałor z nastupnym vyvadam ludziej na akcyju z emacyjnym padahrevam u centralnyja rajony horada, z pravakavańniem dziejańniaŭ pravaachoŭnych orhanaŭ, — raspavioŭ Cierciel.

Treci scenar, pavodle jaho słoŭ, raspracavany na vypadak adsutnaści dazvołu na zajaŭku: praduhledžvajecca «adsočvańnie situacyi, infarmacyjnaja manipulacyja, aryjentavańnie na damavyja čaty, na kaardynataraŭ z nastupnym zaklikam ich na akcyi sa sutyknieńniem z pravaachoŭnikami ŭ centry horada».

— Čakajecca, što pravakacyi buduć, mahčyma, z boku trecich asob, što paciahnie niehatyŭnyja nastupstvy, i na hetym fonie ŭdasca apraŭdać tyja srodki, jakija ŭ heta ŭkładzienyja, i spravakavać dalejšaje abvastreńnie situacyi.

Cierciel adznačyŭ: u KDB viedajuć, chto heta płanuje za miažoj, jakija mienavita płany, kanały pastupleńnia srodkaŭ, vykanaŭcaŭ na terytoryi Biełarusi. Pavodle jaho słoŭ, siłaviki buduć dziejničać žorstka, u adpaviednaści z zakanadaŭstvam. Cierciel paprasiŭ hramadzian nie paddavacca na pravakacyi.

Kiraŭnik KDB zajaviŭ, što za miažoj «skłałasia niekalki palitemihranckich padryŭnych centraŭ, u jakich na ŭtrymańni zamiežnych śpiecsłužbaŭ znachodziacca tak zvanyja ŭciekačy, a asnoŭnaja płyń srodkaŭ nakiroŭvajecca na destabilizacyju situacyi mienavita ŭ hety pieryjad».

• 0
• 0
• 0
• 0
• 0
• 0
• 0
• 0