Łukašenka pra situacyju z kisłarodam u Viciebsku: Kali tam palityka, to značyć treba na miesca čałavieka stavić
Alaksandr Łukašenka 12 sakavika padčas naviedvańnia balnicy ŭ Maładziečnie spytaŭ u kiraŭnika Ministerstva achovy zdaroŭja Dźmitryj Pinieviča ab zdareńni z kisłarodam u BCHMD Viciebska.
— A što ŭ internecie niejki doktar zajaŭlaŭ ab tym, što…, — skazaŭ Łukašenka.
— BCHMD Viciebska, — padkazaŭ Dźmitryj Pinievič.
— Dyk što tam za prablema? Nie chapaje kisłarodu…
— Ja nie dumaju, kab tam nie chapała kisłarodu, — skazaŭ pamočnik Łukašenki Alaksandr Kosiniec.
— Byli nievialikija pierapynki, my tam kamisiju vysyłali. Nu tam čałaviek…, — zamiaŭsia z adkazam kiraŭnik Ministerstva achovy zdaroŭja.
— Nu kali tam palityka, to značyć treba na miesca čałavieka stavić, — zajaviŭ Łukašenka.
— Pastavim, — paabiacaŭ Pinievič.
— Nam nie da palityki ciapier. Treba spyniać padobnyja rečy. Kali tam sapraŭdy jość prablema, to jaje treba vyrašać, — praciahnuŭ Łukašenka.
Nahadajem, raniej Uładzimir Martaŭ, zahadčyk adździaleńnia aniestezijałohii i reanimacyi Viciebskaj haradskoj kliničnaj balnicy chutkaj miedycynskaj dapamohi (BCHMD), raspavioŭ, što ŭ pačatku studzienia ŭ balnicy adbyłosia nadzvyčajnaje zdareńnie z kisłarodam. Jon nie nazvaŭ dakładnuju kolkaść pamierłych, ale paviedamiŭ, što heta byŭ «nie adzin i nie dva čałavieki».
Čytajcie taksama: «U chirurhičnym korpusie adklučyłasia padača kisłarodu. Stali pamirać ludzi». Doktar raskazaŭ pra trahiedyju ŭ Viciebsku
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary