Mierkavańni

Žonka Statkieviča: Kali čałavieka asudzili, nijakich bolš jamu pasyłak — tolki hrašovyja pieravody i listy

Usio, što Vy chočacie dasłać/pieradać z rečaŭ, praduktaŭ — tolki praz svajakoŭ!

fota Nadziei Bužan

«Vyrašyła jašče raz napisać pra toje, što liču važnym, — piša ŭ siabie ŭ fejsbuku žonka eks-kandydata ŭ prezidenty Mikałaja Statkieviča Maryna Adamovič. — Prajšło ŭžo niekalki socień sudoŭ i ŭsio bolš i bolš sumlennych ludziej čakajuć etapa ci adpraŭlajucca pa etapie ŭ kałonii. I voś tut — uvaha!!! — mianiajecca ŭsio!

Jakim by vialikim ni było Vaša spačuvańnie, salidarnaść i žadańnie dapamahać, jakija b ciopłyja ni skłalisia ŭ vas stasunki, pakul čałaviek byŭ u SIZA (da ŭstupleńnia prysudu ŭ siłu, to-bok, u bolšaści vypadkaŭ, da dnia razhladu apielacyi), jakija b ciopłyja i miłyja pieradačy, pasyłki i banderolki Vy jamu dahetul ni adpraŭlali, z hetaha momantu ŭ Vas zastajucca TOLKI LISTY I PAŠTOVYJA PIERAVODY.

Nijakich pasyłak, pieradač ci banderolek! Usio, što Vy chočacie dasłać/pieradać z rečaŭ, praduktaŭ — tolki praz svajakoŭ!

Pa-pieršaje, pieradačy asudžanym prymajuć tolki ad svajakoŭ (ad niesvajakoŭ — tolki z admysłovaha piśmovaha dazvołu načalnika kałonii/turmy).

Pa-druhoje, u źniavolenaha ad 4-ch da 1-j pasyłki ci pieradačy na hod. Vaha vyznačajecca sposabam dastaŭki: pieradača — da 30 kh (zatoje, pieradać možna i zielaninu, i harodninu); pasyłka — da 50 kh (ale toje, što nie sapsujecca).

U vyniku Vaša cudoŭnaje i zrazumiełaje žadańnie dasłać niešta pryjemnaje moža pazbavić čałavieka nieabchodnaha na doŭhija miesiacy, a blizkich — horkaj radaści ŭkłaści i pieradać kryšku lubovi i kłopatu.

Pasyłku, u lepšym vypadku, Vam viernuć; u horšym — mohuć zaličyć za «dazvolenuju» pa rasparadžeńni načalnika i jak sposab «nasalić» palityčnamu, asabliva, kali pasyłka maleńkaja.

(U hetuju ž pastku traplajuć i svajaki paśla apielacyi, zvykła pryciahnuŭšy pieradačku 5—7 kh u SIZA).

Tamu, kali Vy chočacie padtrymać čałavieka, abaviazkova (!) źviazvajciesia z rodnymi. Lepš im dapamahčy sabrać pasyłku, dadać svoj hrašovy ci inšy abumoŭleny ŭniosak, naprykład: kiłbasoj, sałam, kavaj, — ci dapamahčy davieźci i adpravić jaje, bo heta vializarnyja zatraty i ciažar.

Nu, i jość vypadak, kali ŭ čałavieka niama blizkich. Tady luby moža pasprabavać stać dobrym Aniołam. Dla hetaha treba mieć ćviordaje žadańnie dapamahać, (lepš, kali źbirajucca niekalki čałaviek) i ŭzajemnyja zajavy ad Vas i viaźnia na imia načalnika z prośbaj prymać ad Vas pieradačy dla Ch., a ad Ch. z prośbaj dazvolić pieradačy dla jaho ad U. Nie fakt, što dazvolać, ale sprabavać treba.

P.S. Heta cud, jakimi vyjavilisia Biełarusy, kali patok pieramien zmyŭ usiu šałupień i brud apošnich dziesiacihodździaŭ! Nie zhubić by! Dziakuj, darahija!» — uźniosła zaviaršaje svoj zvarot Maryna Adamovič.

Kamientary

Ciapier čytajuć

Usie naviny →
Usie naviny

Pa trasie M1 vieźli hihanckaha zubra. TikTok hadaje, kudy jon nakiroŭvajecca2

U Biełarusi žyvuć adnahodki dynazaŭraŭ. Žychar Paleśsia raskazaŭ i pakazaŭ, jak za imi naziraje7

Niekatoryja ipešniki z novaha hoda nie zmohuć handlavać praz markietpłejsy

Tadžykskija dzieci vitali Łukašenku pa-biełarusku. Jon pačyn nie padtrymaŭ VIDEA29

Cichanoŭskaja biez dramatyzacyi i z uśmieškaj prakamientavała rašeńnie ŭładaŭ Litvy źmianić formu jaje achovy10

Da krain, jakija błakujuć pryniaćcie novaha pakieta sancyj ES suprać Rasii, dałučyłasia Aŭstryja

U byłoha piłota «Formuły-1» zabrali pravy za luboŭ da chutkaj jazdy1

Takarčuk: Cichanoŭski paprasiŭ mianie nie havaryć pra jaho na maim kanale19

Milicyjaniery pravieryli fiekalii z rolika ŭ sacsietkach. Pryjšli da vysnovy, što jany niesapraŭdnyja9

bolš čytanych navin
bolš łajkanych navin

Aryštavany Alaksandr Šakucin14

Aryštavany Alaksandr Šakucin

Hałoŭnaje
Usie naviny →

Zaŭvaha:

 

 

 

 

Zakryć Paviedamić