Chakiery pasprabavali atrymać dostup da kampjutaraŭ pa mienšaj miery siami deputataŭ bundestahu.
Jak piša Spiegel, za atakaj staić hrupoŭka Ghostwriter. U słužbie biaśpieki krainy padazrajuć, što jana źviazanaja z Hałoŭnym upraŭleńniem Hienštaba Rasii (byłoje HRU). Chakiery rassyłali na elektronnyja adrasy palitykaŭ fišynhavyja listy.
Pavodle vydańnia, bolšaść deputataŭ, jakija padvierhlisia napadu, adnosiacca da błoku CHDS/CHSS i Sacyjał-demakratyčnaj partyi Hiermanii (SDPH), jaki ŭvachodzić u kirujučuju kaalicyju. Taksama, pavodle haziety, ataka zakranuła 31 deputata łandtaha (rehijanalny parłamient). Ci ŭdałosia złamyśnikam vykraści danyja, pakul nieviadoma.
Vydańnie paviedamlaje sa spasyłkaj na krynicy va ŭradzie, što chakiery sprabavali atakavać nie tolki deputataŭ, ale i palityčnych aktyvistaŭ u Hamburhu i Bremienie, usiaho ad ich dziejańniaŭ paciarpieli niekalki dziasiatkaŭ čałaviek.
Pavodle amierykanskaj kampanii pa kibierbiaśpiecy FireEye, Ghostwriter funkcyjanuje minimum z 2017 hoda, jana dziejničaje «u adpaviednaści ź intaresami biaśpieki Rasii». Hrupa śpiecyjalizujecca na pašyreńni dezynfarmacyi, u pieršuju čarhu siarod žycharoŭ Litvy, Łatvii i Polščy, u asnoŭnym havorka idzie ab krytycy prysutnaści NATA va Uschodniaj Jeŭropie.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?13
Kamientary