Dyrektaram Nacyjanalnaha histaryčnaha muzieja Biełarusi pryznačany Alaksandr Chramoj. Pra heta paviedamlaje «Źviazda» sa spasyłkaj na Ministerstva kultury.
Ministr kultury Anatol Markievič adznačyŭ, što na čale muzieja siońnia pavinien być čałaviek, jaki źjaŭlajecca aŭtarytetnym kiraŭnikom, maje pryncypovy punkt hledžańnia, umieje arhumientavana adstojvać svaju pazicyju, analizuje dzień siońniašni i vyrazna bačyć pierśpiektyvy dnia zaŭtrašniaha. «Hetyja jakaści arhanična spałučajucca ŭ Alaksandry Chramym, jaki 6 hadoŭ pracavaŭ u muziei na pasadzie namieśnika dyrektara i viedaje ŭsie tonkaści muziejnaj i haspadarčaj dziejnaści», — padkreśliŭ jon.
Alaksandr Chramoj naradziŭsia ŭ 1976 hodzie, skončyŭ Biełaruski dziaržaŭny piedahahičny ŭniviersitet pa śpiecyjalnaści «historyja i sacyjalna-palityčnyja dyscypliny», aśpiranturu pa śpiecyjalnaści «ajčynnaja historyja», a u 2018 hodzie atrymaŭ dypłom Akademii kiravańnia pry prezidencie Biełarusi pa śpiecyjalnaści «inavacyjny mieniedžmient».
Pracavaŭ u Nacyjanalnym historyka-kulturnym muziei-zapaviedniku «Niaśviž» vučonym sakratarom z 2011 pa 2013 hod, u 2013-2019 hadach byŭ zahadčykam ekspazicyjna-vystavačnaha adździeła, namieśnikam dyrektara Nacyjanalnaha histaryčnaha muzieja. Z 2019 hoda byŭ dyrektaram Dziaržaŭnaha litaraturna-miemaryjalnaha muzieja Jakuba Kołasa.
Były dyrektar Histaryčnaha muzieja Pavieł Sapoćka ŭznačaliŭ Nacyjanalnaje ahienctva pa turyźmie
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary