Ministr infarmacyi: U Biełarusi zaŭsiody byli i buduć apazicyjnyja ŚMI, ale…
Ministr infarmacyi Biełarusi Uładzimir Piarcoŭ raspavioŭ pra svajo bačańnie pracy zamiežnych i niezaležnych ŚMI ŭ krainie, i zajaviŭ, što nichto im nie pieraškodzić, kali ich dziejańni nie buduć supiarečyć dziaržaŭnym intaresam, piša Interfaks.
«Kali jany (dziejańni ŚMI abo žurnalista — IF) nie supiarečać, nie nanosiać škodu dziaržavie i dziaržaŭnym intaresam, kali jany nie zajmajucca prapahandaj — nie budu nazyvać usiaho drennaha — jakija da ich pytańni?» — zajaviŭ Piarcoŭ u efiry telekanała ANT u sieradu.
Kiraŭnik viedamstva taksama adznačyŭ, što ŭ Biełarusi zaŭsiody byli i buduć apazicyjnyja ŚMI i zaŭsiody jany buduć tym ci inšym čynam niepažadanyja čynoŭnikam na miescach abo ŭ Minsku. Adnak, na dumku ministra, navat ich krytyčnyja materyjały pavinny być skiravanyja na karyść hramadstva.
«Krytyčnyja materyjały, jakija pavinny źjaŭlacca i ŭ tym liku i ŭ dziaržaŭnych ŚMI, pavinny być naceleny na toje, kab žyćcio stanaviłasia lepšym, kab chtości ŭbačyŭ, źviarnuŭ uvahu i zrabiŭ usio mahčymaje, kab jakaja-niebudź prablema była vyrašana ŭ kankretnym rehijonie», — skazaŭ Piarcoŭ.
Jon vykazaŭ taksama niezadavalnieńnie finansavańniem niekatorych ŚMI, jakija pracujuć na terytoryi Biełarusi, zamiežnym kapitałam.
«U nas dziejnaść zamiežnych ŚMI padajecca jak dziejnaść niezaležnych srodkaŭ masavaj infarmacyi. Ale, dazvolcie, niezaležnych ad kaho? Ad biełaruskaj dziaržavy? Ale ŭ toj ža čas vielmi zaležnych ad inšych dziaržaŭ i fondaŭ, jakija ich spansujuć», — vykazaŭ svajo mierkavańnie Piarcoŭ.
Zhodna z rejtynham Freedom House, situacyja sa svabodaj słova ŭ Biełarusi najhoršaja siarod jeŭrapiejskich krain.
Apošni hod staŭ hodam sapraŭdnaha ŭdušeńnia niedziaržaŭnych ŚMI. Bolš za 400 žurnalistaŭ byli zatrymanyja. 12 zastajucca ŭ turmach pa kryminalnych spravach.
Uvosień Tut.by byŭ pazbaŭleny statusu ŚMI.
Ad žniŭnia najpapularniejšyja haziety «Narodnaja vola» i «Kamsamołka» pierastali drukavacca ŭ Biełarusi.
Narešcie, u sakaviku 2021 hoda represii raspaŭsiudzilisia na niehramadskapalityčnyja biełaruskamoŭnyja vydańni. Časopisy «Naša historyja», «Dudu» i «Aściarožna: dzieci!» byli vyhnanyja ź dziaržaŭnych sietak raspaŭsiudu, zapałonienych rasijskimi anałahami hetych publikacyj.
Čytajcie taksama: Piać faktaŭ pra novaha ministra infarmacyi Uładzimira Piarcova
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary