Navukoŭcy: Isnuje nie adzin vid žyraf, a ažno čatyry! I ŭsie jany pad pahrozaj
Adroźnieńni pamiž imi takija ž mocnyja, jak i pamiž biełymi i burymi miadźviedziami.
Padčas sprobaŭ rasšyfravać hienom žyraf navukoŭcy znajšli paćviardžeńnie isnavańnia čatyroch asobnych vidaŭ žyraf z praktyčna całkam izalavanymi areałami. Nazvy hetych vidaŭ hučać tak: paŭnočnaja žyrafa, sietkavataja žyrafa, masajskaja žyrafa i paŭdniovaja žyrafa. Pry hetym isnuje jašče siem padvidaŭ žyraf. Navukoŭcy i raniej sumniavalisia, ci źjaŭlajucca žyrafy pradstaŭnikami adnaho vidu, ale bolšaść schilałasia da taho, što heta adzin vid ź niekalkimi padvidami, piša Daily Mail.
Ekśpierty ź niamieckaha Centra tranślacyjnaj hienomiki bijaraznastajnaści ŭ Frankfurcie-na-Majnie, jakija praanalizavali hieny žyvioł, kažuć, što znajści vizualnyja adroźnieńni pamiž roznymi vidami žyraf vielmi ciažka, ale pry hetym chapaje hienietyčnych adroźnieńniaŭ.
Kolkaść žyraf apošni čas mocna źniziłasia — ciapier va ŭsioj Afrycy ich zastałosia tolki kala 117 tysiač. Kali ž my majem nie adzin, a čatyry vidy žyraf, situacyja jašče horšaja, bo kožny asobny vid tady znachodzicca pad jašče bolšaj pahrozaj. Pa acenkach aŭtaraŭ daśledavańnia, u dzikaj pryrodzie na ciapierašni momant isnuje mienš za šeść tysiač paŭnočnych žyraf, to-bok heta adzin z tych vidaŭ vialikich sysunoŭ, jakija znachodziacca ŭ najbolš niebiaśpiečnym stanoviščy.
Šmat dzie ŭ Afrycy źniščajucca miescy pražyvańnia žyraf praz popyt na ziamielnyja nadzieły dla sielskaj haspadarki. Abaronu žyvioł uskładniaje brakańjerstva i ciažkija palityčnyja ŭmovy.
-
Čamu chamieleony kruciać vačyma va ŭsie baki? Navukoŭcy rastłumačyli tajamnicu «fatahrafičnaha» pozirku
-
«Nafih vizy. Ja bolš nie budu jeździć u krainy, jakija nie zacikaŭlenyja ŭ turystach nastolki, što zakryvajuć miežy»
-
«Nivodnaja kraina ŭ XXI stahodździ nie zmoža dasiahnuć siaredniaj praciahłaści žyćcia ŭ 100 hadoŭ»
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»1
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary