U Hrodnie zatrymlivali hałoŭnaha redaktara Hrodna.life Alaksieja Šotu. Jaho adpuścili da suda
Zatrymańnie adbyłosia 30 maja ŭ 13.45 kala doma žurnalista.
Alaksieja zatrymali, kali jon vyjšaŭ z kvatery zabrać u byłoj žonki elektraduchoŭku. Ź mikraaŭtobusa vyjšli niekalki mužčyn. «Stali pytacca: «Heta vaša? Kudy niesiacie? A potym pad ruku, i ŭ bus, i pavieźli», - skazała dziaŭčyna. Spačatku jaho pavieźli, a potym viarnuli dadomu.
Doma ŭ Alaksieja praviali ahlad. Kala 15.00 Alaksieja pavieźli na zdymnuju kvateru — vierahodna, pravieści ahlad.
Pavodle infarmacyi Hrodna.life, u dačynieńni da Alaksieja idzie raźbiralnictva pa art. 17.11 KaAP «Raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść».
Paźniej milicyja paviedamiła: «Padčas manitorynhu sietki internet supracoŭnikami Leninskaha RAUS Hrodna vyjaŭleny fakt raźmiaščeńnia sajtam Hrodna life infarmacyjnaj pradukcyi, pryznanaj va ŭstanoŭlenym paradku ekstremisckaj».
Raniej Šotu ŭžo štrafavali na 25 bazavych, a vydańnie na 400 bazavych za toje, što ŭ ich na sajcie znajšli materyjał «adnaho i taho ž tielehram-kanała, raniej pryznanaha ekstremisckim».
***
Paźniej stała viadoma, što Alaksieja Šotu adpuścili da suda.
U jaho zabrali noŭtbuk, telefon, try staryja dyski i bčb-parason.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary