Maskoŭski haradski sud zadavoliŭ pazoŭ Hienprakuratury, pryznaŭšy FBK i štaby Alaksieja Navalnaha ekstremisckimi arhanizacyjami. Aktyvistam i donaram pahražaje kryminalnaja adkaznaść u vypadku praciahu dziejnaści abo finansavańnia.
Maskoŭski haradski sud pryznaŭ ekstremisckimi arhanizacyjami Fond baraćby z karupcyjaj (FBK) Alaksieja Navalnaha, a taksama Fond abarony pravoŭ hramadzian i jaho štaby, paviedamlaje RBK.
Pasiadžeńnie prachodziła ŭ zakrytym režymie, u adsutnaść presy i słuchačoŭ: prakuratura śćviardžała, što ŭ materyjałach jość danyja, jakija składajuć dziaržtajamnicu.
Advakaty abjadnańnia «Kamanda 29», jakoje pradstaŭlała intaresy arhanizacyj, padavali sustrečny pazoŭ ab rassakrečvańni spravy, jaki sud adchiliŭ. Taksama pradstaŭniki adkazčykaŭ patrabavali sud rastłumačyć, ci mohuć aznajomicca z sakretnymi materyjałami sami supracoŭniki FBK; sudździa Pałyha taksama adchiliŭ adpaviednaje chadajnictva.
Unieści arhanizacyi Navalnaha ŭ śpis ekstremisckich zapatrabavała 16 krasavika prakuratura Maskvy.
Aproč inšaha, supracoŭniki struktur Navalnaha i jaho prychilniki ciapier nie zmohuć udzielničać u vybarach.
4 červienia Uładzimir Pucin padpisaŭ zakon, jaki zabaraniaje bałatavacca ludziam, jakija majuć dačynieńnie da dziejnaści ekstremisckaj arhanizacyi (viadomy jak «zakon suprać FBK»). Dakumient faktyčna maje zvarotnuju siłu: u vybarach nie zmohuć udzielničać ludzi, jakija pracavali ŭ arhanizacyi jašče da taho, jak jaje pryznali «ekstremisckaj». Dla kiraŭnikoŭ zabarona dziejničaje piać hadoŭ z momantu rašeńnia suda, dla radavych supracoŭnikaŭ i prychilnikaŭ — try hady.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča22
Kamientary