U Biełarusi płanujuć zrabić bolš žorstkaj adkaznaść za hruminh i zachoŭvańnie parnahrafii, paviedamiła žurnalistam člen Pastajannaj kamisii pa pravach čałavieka, nacyjanalnych adnosinach i ŚMI Pałaty pradstaŭnikoŭ Maryja Vasilevič, piša BiełTA.
Jana ŭziała ŭdzieł u pasiadžeńni kruhłaha stała «Pravaprymianialnaja praktyka i šlachi ŭdaskanaleńnia nacyjanalnaha zakanadaŭstva ŭ śfiery baraćby z seksualnaj ekspłuatacyjaj dziaciej u internecie».
«Zakanadaŭstva praduhledžvaje peŭnyja abmiežavalnyja miery. Ale my pavinny kazać pra toje, što technałohii raźvivajucca i jość tyja normy, jakija treba pierahladać. Jakraz adna z met siońniašniaha kruhłaha stała — vyjavić słabyja miescy ŭ zakanadaŭstvie i znajści rašeńni hetych prablem, — skazała Maryja Vasilevič. — Tyja normy, jakija treba pierahladać, biezumoŭna, datyčacca hvałtu i seksualnaj ekspłuatacyi dziaciej u internecie. Nieabchodna ŭvodzić takija paniaćci jak hruminh, raspusnyja dziejańni. Nieabchodna ŭzmacniać i rabić bolš žorstkaj adkaznaść za zachoŭvańnie parnahrafičnych materyjałaŭ».
«Na žal, statystyka pahroźlivaja. Kožnaje piataje dzicia ŭ Biełarusi va ŭzroście ad 10 da 17 hadoŭ choć by raz atrymlivała prapanovu seksualnaha charaktaru ad darosłych u internecie. I siońnia COVID-19 prymušaje dziaciej usio bolš času pravodzić doma, a značyć — na virtualnych placoŭkach. I ryzyka seksualnaj ekspłuatacyi dziaciej uzrastaje. My pavinny ŭličvać, što ciapier nie toj złačyniec, jaki žyvie na susiedniaj vulicy i jaho možna złavić za ruku.
Hety pravaparušalnik moža znachodzicca ŭ inšaj častcy śvietu i biez asablivych namahańniaŭ moža trapić u našy damy i zrujnavać žyćcio našych dziaciej», - dadała Maryja Vasilevič.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda1
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary