Jon byŭ adnym z samych značnych biełaruskich paetaŭ usich časoŭ. Jamu było 73 hady.
Vyklučany z univiersiteta ŭ 1969 za patrabavańnie navučańnia pa-biełarusku, jon nie złamaŭsia. Jahonyja fiłasofskija vieršy źmianili biełaruskuju litaraturu.
Aleś Razanaŭ naradziŭsia 5 śniežnia 1947 hoda ŭ Sialcy, što ŭ Biarozaŭskim rajonie. U 1966 h. pastupiŭ na fiłfak BDU, u 1968-m razam ź inšymi studentami-fiłołahami padpisaŭ list na imia Mašerava z patrabavańniem vykładać pa-biełarusku. Praź niejki čas byŭ vyklučany z BDU.
Aŭtar zbornikaŭ «Adradžeńnie», «Nazaŭždy», «Šlach—360» dy inš. Pierakładaŭ ź litoŭskaj, łatyšskaj, bałharskaj, anhlijskaj dy inš.
* * *
Kali ŭsie zhubleny klučy,
kali ni šancu,
aničoha —
usio ž idzi,
lubi,
kryčy
i pasiahaj na pieramohu.
Biaźmiežža
Pałovu žyćcia padajusia ŭ śviet, pałovu —
varočajusia sa śvietu,
pałovu žyćcia pišu na darozie svaje imiony,
pałovu — zakreślivaju napisanaje,
pałovu žyćcia rastu ad ziamli, pałovu —
rastu ź ziamloju:
i ŭsio mienš uva mnie mianie, i ŭsio bolš
biaźmiežža.
* * *
Kožny narod maje choć adzin hienijalny tvor, i hety tvor — mova.
«Navošta ja, kali nie zmahu pa-svojmu?» Unikum paezii Aleś Razanaŭ vydaŭ novuju knihu pierad 70-hodździem
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary