Kampanija Facebook maje namier źmianić nazvu, kab asacyjavacca nie tolki z adnajmiennaj sacyjalnaj sietkaj, ale z usim «suśvietam» («mietasuśvietam») svaich praduktaŭ, paviedamlaje partał The Verge sa spasyłkaj na krynicu.
Pavodle jaho danych, rebrendynh, chutčej za ŭsio, budzie pazicyjanavać sini łahatyp Facebook jak tolki adzin z mnohich praduktaŭ «maciarynskaj» kampanii, jakaja taksama vałodaje WhatsApp, Instagram, Oculus i inšymi praduktami.
Kiraŭnik kampanii Mark Cukierbierh płanuje abjavić ab źmienie nazvy na štohadovaj kanfierencyi, jakaja projdzie 28 kastryčnika, adnak heta moža zdarycca i raniej.
U lipieni, vystupajučy na padkaście The Verge, Cukierbierh zajaŭlaŭ, što ŭ nastupnyja piać hadoŭ kampanija maje namier źmianicca ŭ vačach karystalnikaŭ. Na nastupnym etapie dziejnaści našaj kampanii my pojdziem ad bačańnia jaje [karystalnikami] «kampanijaj sacyjalnaj sietki» i pryjdziem da bačańnia «kampanii-mietasuśvietu». I, zrazumieła, usia praca, jakuju my vykonvajem u ramkach dadatkaŭ, jakija ludzi vykarystoŭvajuć siońnia, naŭprost spryjaje stvareńniu hetaha bačańnia z punktu hledžańnia stvareńnia supolnaści», — tłumačyŭ jon.
Pa danych The Verge, novaja nazva moža być niejak źviazana z Horizon — novym dadatkam Facebook dla pracy ŭ virtualnych ofisach.
U samoj kampanii pakul nijak nie kamientavali źviestki ab mahčymaj źmienie nazvy.
Hetuju źjavu nazyvajuć budučyniaj internetu. Što treba viedać pra mietasuśviet?
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary