Кампанія Facebook мае намер змяніць назву, каб асацыявацца не толькі з аднайменнай сацыяльнай сеткай, але з усім «сусветам» («метасусветам») сваіх прадуктаў, паведамляе партал The Verge са спасылкай на крыніцу.
Паводле яго даных, рэбрэндынг, хутчэй за ўсё, будзе пазіцыянаваць сіні лагатып Facebook як толькі адзін з многіх прадуктаў «мацярынскай» кампаніі, якая таксама валодае WhatsApp, Instagram, Oculus і іншымі прадуктамі.
Кіраўнік кампаніі Марк Цукерберг плануе аб'явіць аб змене назвы на штогадовай канферэнцыі, якая пройдзе 28 кастрычніка, аднак гэта можа здарыцца і раней.
У ліпені, выступаючы на падкасце The Verge, Цукерберг заяўляў, што ў наступныя пяць гадоў кампанія мае намер змяніцца ў вачах карыстальнікаў. На наступным этапе дзейнасці нашай кампаніі мы пойдзем ад бачання яе [карыстальнікамі] «кампаніяй сацыяльнай сеткі» і прыйдзем да бачання «кампаніі-метасусвету». І, зразумела, уся праца, якую мы выконваем у рамках дадаткаў, якія людзі выкарыстоўваюць сёння, наўпрост спрыяе стварэнню гэтага бачання з пункту гледжання стварэння супольнасці», — тлумачыў ён.
Па даных The Verge, новая назва можа быць неяк звязана з Horizon — новым дадаткам Facebook для працы ў віртуальных офісах.
У самой кампаніі пакуль ніяк не каментавалі звесткі аб магчымай змене назвы.
Гэтую з’яву называюць будучыняй інтэрнэту. Што трэба ведаць пра метасусвет?
«Кайлас, я іду». Што за беларуска знікла ў жудасным селі ў Непале6
Каментары