Dyrektarku BiełaPAN Irynu Leŭšynu i byłoha kiraŭnika kampanii Dźmitryja Navažyłava abvinavacili ŭ «stvareńni ekstremisckaha farmavańnia»
«Svabodzie» stała viadoma, što dyrektarcy BiełaPAN Irynie Leŭšynaj i byłomu kiraŭniku kampanii Dźmitryju Navažyłavu vystavili novyja abvinavačańni — u «stvareńni ekstremisckaha farmavańnia». Aboje ŭ mienskim SIZA z 18 žniŭnia.
Za «stvareńnie ekstremisckaha farmavańnia» pahražaje pazbaŭleńnie voli da 7 hadoŭ.
18 žniŭnia Leŭšynu i Navažyłava zatrymali nibyta za «arhanizacyju masavych biesparadkaŭ» (artykuł 342 Kryminalnaha kodeksu). Paźniej Śledčy kamitet zajaviŭ, što ich abvinavačvajuć va «ŭchileńni ad spłaty padatkaŭ» (artykuł 243 KK).
«Svabodzie» stała viadoma, što taksama ŭ «stvareńni ekstremisckaha farmavańnia» abvinavacili medyjamenedžera Andreja Alaksandrava. Jon u turmie z 27 studzienia 2021 hodu. Alaksandrava abvinavačvajuć u:
- arhanizacyi masavych biesparadkaŭ (artykuł 342)
- uchileńni ad spłaty padatkaŭ (artykuł 243)
- zdradzie Radzimie (artykuł 356).
Ciapier jašče dadaŭsia artykuł 361—1 KK.
BiełaPAN — najstarejšaje ŭ Biełarusi niezaležnaje infarmacyjnaje ahienctva. Jano pracavała z 1991 hodu.
15 listapada 2021 hodu z sajta MUS stała viadoma, što 1 listapada KDB pryznaŭ BiełaPAN «ekstremisckim farmavańniem». Specsłužba patłumačyła, što «hrupa hramadzian ź liku supracoŭnikaŭ BiełaPAN ažyćciaŭlaje ekstremisckuju dziejnaść». Lahatyp u vyhladzie nadpisa «BiełaPAN» i vieršnika ź miačom na kani KDB taksama pryznany ekstremisckim.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary