Film tydnia: «Dom Gucci». Novaja ambitnaja stužka Rydli Skota z hanhstarami, mafijozi i zabojstvami
Novy film Rydli Skota, jaki ŭžo idzie ŭ Minsku, varta pahladzieć chacia b dziela vizualnaj estetyki i dobraj muzyki. Kožnaja interjernaja scena, łakacyja, kaścium — jak karcina. A taksama, kab naciešycca ihroj Łedzi Hahi.
«Dom Gucci» nie pakidaje abyjakavym. Historyja pra adzin z samych paśpiachovych siamiejnych biznesaŭ, Gucci, u filmie raskazanaja nie stolki jak historyja pra biznes, kolki jak historyja pra siamju.
Pra što film
Režysior błakbasteraŭ suśvietnaha maštabu («Čužy», «Hładyjatar», «Hanibał»), 84-hadovy Rydli Skot i na hety raz prapanuje śvietu ambitny film, z hanhstarami, mafijozi i zabojstvami.
Idzie 1978 hod, modnym domam Hučy kirujuć dva braty, spakojny Radolfa i pałymiany Alda. Kožny ź ich maje svajho spadkajemcu: Maŭrycyjo, abyjakavaha da biźniesu, i Paoła, apantanaha im.
Ale na scenie źjaŭlajecca Patrycyja, pryvabnaja dziaŭčyna-ahoń, ź biednaj siamji, hatovaja na ŭsio dziela taho, kab prabicca ŭ śviet mody i vialikich hrošaj. Jana spakušaje nierašučaha ścipłaha Maŭrycyjo, vychodzić za jaho i narešcie stanovicca členam siamji Hučy. Niespatolnaja praha ŭłady i hrošaj pieratvaraje jaje ŭ śmierč, jaki znosić usio na svaim šlachu.
Chto hraje ŭ filmie
Dzikuju, pałymianuju i ŭ vyniku śmiertanosnuju Patrycyju hraje Łedzi Haha, i amal usie kinakrytyki adznačajuć, što jana i stała zorkaj filma, stvaryŭšy niepaŭtorny, vielmi mocny vobraz.
Bratoŭ-ułaśnikaŭ doma Hučy hrajuć Džeremi Ajrans («Zvarotny bok losu», 1990) i Al Pačyna («Vodar Žančyny», 1992). Krytyki prosiać nie prapuścić scenu śniadanku bratoŭ — jana fantastyčna cikavaja.
U filmie taksama hraje znakamitaja Salma Chajek («Fryda», 2003). Jaje vobraz — hadałka, da jakoj chodzić raicca Patrycyja, i jakaja dadaje dziŭnaści i trošku niečakanaj intanacyi filmu.
Pra što skandał vakoł filma
Siamja Hučy, jakuju razryvajuć unutranyja svarki, abjadnałasia dziakujučy hetamu filmu. Pradstaŭniki rodu vystupili z zajavaj pra toje, što film skažaje sapraŭdnuju historyju, psuje reputacyju ich siamji i reputacyju brenda Gucci.
Zajava pakul adrasavanaja šyrokaj publicy i nie nakiroŭvałasia ŭ sud.
Rydli Skot spakojna adreahavaŭ na ŭsie papiarednija abvinavačvańni ŭ tym, što jon adyšoŭ ad aryhinalnaj viersii historyi. U rešcie rešt, Hučy daŭno stali «ŭsieahulnym zdabytkam», chacia b tady, kali imia svajoj siamji zrabili brendam. A kali ty «ŭsieahulny zdabytak», dyk tvaja historyja ŭžo bolš nie tolki tvaja.
Acenki
Rejtynh IMDb — 7/10.
Rejtynh Rotten Tomatoes — 62% (krytyki), 84% (hledačy).
Chutka śviet pabačyć praciah lehiendarnaha sieryjała «Seks u vialikim horadzie». Raskazvajem, čym jon cikavy
Film tydnia: «Minułaj nočču ŭ Socha». Čamu jaho varta pahladzieć
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ16
Kamientary