Фільм тыдня: «Дом Gucci». Новая амбітная стужка Рыдлі Скота з гангстарамі, мафіёзі і забойствамі
Новы фільм Рыдлі Скота, які ўжо ідзе ў Мінску, варта паглядзець хаця б дзеля візуальнай эстэтыкі і добрай музыкі. Кожная інтэр’ерная сцэна, лакацыя, касцюм — як карціна. А таксама, каб нацешыцца ігрой Лэдзі Гагі.
«Дом Gucci» не пакідае абыякавым. Гісторыя пра адзін з самых паспяховых сямейных бізнэсаў, Gucci, у фільме расказаная не столькі як гісторыя пра бізнэс, колькі як гісторыя пра сям’ю.
Пра што фільм
Рэжысёр блакбастэраў сусветнага маштабу («Чужы», «Гладыятар», «Ганібал»), 84-гадовы Рыдлі Скот і на гэты раз прапануе свету амбітны фільм, з гангстарамі, мафіёзі і забойствамі.
Ідзе 1978 год, модным домам Гучы кіруюць два браты, спакойны Радольфа і палымяны Альда. Кожны з іх мае свайго спадкаемцу: Маўрыцыё, абыякавага да бізнесу, і Паола, апантанага ім.
Але на сцэне з’яўляецца Патрыцыя, прывабная дзяўчына-агонь, з беднай сям’і, гатовая на ўсё дзеля таго, каб прабіцца ў свет моды і вялікіх грошай. Яна спакушае нерашучага сціплага Маўрыцыё, выходзіць за яго і нарэшце становіцца членам сям’і Гучы. Неспатольная прага ўлады і грошай ператварае яе ў смерч, які зносіць усё на сваім шляху.
Хто грае ў фільме
Дзікую, палымяную і ў выніку смертаносную Патрыцыю грае Лэдзі Гага, і амаль усе кінакрытыкі адзначаюць, што яна і стала зоркай фільма, стварыўшы непаўторны, вельмі моцны вобраз.
Братоў-уласнікаў дома Гучы граюць Джэрэмі Айранс («Зваротны бок лёсу», 1990) і Аль Пачына («Водар Жанчыны», 1992). Крытыкі просяць не прапусціць сцэну сняданку братоў — яна фантастычна цікавая.
У фільме таксама грае знакамітая Сальма Хаек («Фрыда», 2003). Яе вобраз — гадалка, да якой ходзіць раіцца Патрыцыя, і якая дадае дзіўнасці і трошку нечаканай інтанацыі фільму.
Пра што скандал вакол фільма
Сям’я Гучы, якую разрываюць унутраныя сваркі, аб’ядналася дзякуючы гэтаму фільму. Прадстаўнікі роду выступілі з заявай пра тое, што фільм скажае сапраўдную гісторыю, псуе рэпутацыю іх сям’і і рэпутацыю брэнда Gucci.
Заява пакуль адрасаваная шырокай публіцы і не накіроўвалася ў суд.
Рыдлі Скот спакойна адрэагаваў на ўсе папярэднія абвінавачванні ў тым, што ён адышоў ад арыгінальнай версіі гісторыі. У рэшце рэшт, Гучы даўно сталі «ўсеагульным здабыткам», хаця б тады, калі імя сваёй сям’і зрабілі брэндам. А калі ты «ўсеагульны здабытак», дык твая гісторыя ўжо больш не толькі твая.
Ацэнкі
Рэйтынг IMDb — 7/10.
Рэйтынг Rotten Tomatoes — 62% (крытыкі), 84% (гледачы).
Хутка свет пабачыць працяг легендарнага серыяла «Сэкс у вялікім горадзе». Расказваем, чым ён цікавы
Фільм тыдня: «Мінулай ноччу ў Соха». Чаму яго варта паглядзець
-
Джудзі Дэнч: Я больш не магу граць у спектаклях і фільмах ці чытаць
-
У Беларусі здымаюць серыял пра «СВА». Набіраюць масоўку на дыверсантаў, а сярод акцёраў — былы міністр Руслан Чарнецкі
-
У Беларусі пакажуць фільм пра кіраўніцу Theranos, асуджаную на 11 гадоў за буйное махлярства. Фільм б'е ўсе магчымыя рэйтынгі
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію11
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары