U niekalki razoŭ bolš za aficyjnuju inflacyju. Jak padaraželi za hod aliŭje i sieladziec pad šubaj
Za hod cana inhrydyjentaŭ dla ulubionych sałataŭ, aliŭje i sieladca pad šubaj, istotna vyrasła. Heta my vyśvietlili, paraŭnaŭšy siarednija ceny na pradukty za listapad 2020 i 2021 hoda.
Dyskłejmier: naš materyjał nie pretenduje na surjoznaje daśledavańnie. Biełstat, čyjoj infarmacyjaj my karystalisia, nie daje infarmacyi pra siarednija ceny na salonyja ahurki i kansiervavany harošak (zamiest ich uziatyja ceny z katehoryi «kansiervavanaja harodnina»). Infarmacyja statystyčnaha orhana abahulnienaja: nie uličvaje, naprykład, tłustaść majanezu, katehoryju jajek i h.d. Taksama nie ŭličvalisia vydatki na pryhatavańnie — a kamunalnyja pasłuhi ŭ Biełarusi taksama nie tańniejuć.
Aliŭje
Dla raźliku cany sałata aliŭje my ŭziali nastupny recept: kansiervavanyja ahurki (500 hramaŭ), harošak (380 hramaŭ), bulba (500 hramaŭ), morkva (200 hramaŭ), kurynyja jajki (4 štuki), varanaja kaŭbasa (300 hramaŭ), majanez (200 hramaŭ), repčataja cybula (100 hramaŭ).
| Aliŭje | Listapad 2020 | Listapad 2021 | Inflacyja, % |
| Kansiervavanyja ahurki, 1 kh (porcyja) | 5,66 (2,83) | 6,79 (3,40) | 19,96 |
| Harošak, 1 kh (porcyja) | 5,66 (2,15) | 6,79 (2,58) | 19,96 |
| Bulba, 1 kh (porcyja) | 0,76 (0,38) | 1,3 (0,65) | 71,05 |
| Morkva, 1 kh (porcyja) | 0,7 (0,14) | 1,25 (0,25) | 78,57 |
| Jajki, dziasiatak (porcyja) | 2,33 (0,93) | 2,63 (1,05) | 12,88 |
| Varanaja kaŭbasa v/h, 1 kh (porcyja) | 7,77 (2,33) | 8,11 (2,43) | 4,38 |
| Majanez, 1 kh (porcyja) | 5,98 (1,20) | 7,82 (1,56) | 30,77 |
| Repčataja cybula, 1 kh (porcyja) | 0,88 (0,09) | 1,33 (0,13) | 51,14 |
| Suma za porcyju | 10,05 | 12,06 | 20 |
Za hod najbolš padaraželi morkva, bulba i cybula. Najmienšy rost cany — u varanaj kaŭbasy, navat mienšy za siaredniehadavuju aficyjnuju inflacyju.
Jak bačna z tablicy, porcyja aliŭje letaś kaštavała krychu bolš za 10 rubloŭ, a za hod padaražeła na dva rubli. Inflacyja aliŭje skłała 20%.
Sieladziec pad šubaj
Dla acenki padaražeńnia sieladca pad šubaj uziali taki recept: salony sieladziec (350 hramaŭ), bulba (400 hramaŭ), buraki (350 hramaŭ), morkva (200 hramaŭ), kurynyja jajki (2 štuki), repčataja cybula (100 hramaŭ), majanez (300 hramaŭ).
| Sieladziec pad šubaj | Listapad 2020 | Listapad 2021 | Inflacyja, % |
| Salony sieladziec, 1 kh (porcyja) | 5,66 (1,98) | 7,45 (2,61) | 31,63 |
| Bulba, 1 kh (porcyja) | 0,76 (0,30) | 1,3 (0,52) | 71,05 |
| Buraki, 1 kh (porcyja) | 0,65 (0,23) | 1,27 (0,44) | 95,38 |
| Morkva, 1 kh (porcyja) | 0,7 (0,14) | 1,25 (0,25) | 78,57 |
| Kurynyja jajki, dziasiatak (porcyja) | 2,33 (0,47) | 2,63 (0,53) | 12,88 |
| Repčataja cybula, 1 kh (porcyja) | 0,88 (0,09) | 1,33 (0,13) | 51,14 |
| Majanez, 1 kh (porcyja) | 5,98 (1,79) | 7,82 (2,35) | 30,77 |
| Suma za porcyju | 5,00 | 6,82 | 36,41 |
Buraki padaraželi navat macniej, čym inšaja harodnina, amal u dva razy. Najmienšy rost siarod inhrydyjentaŭ — u jajek.
Jak bačna z tablicy, porcyja «šuby» letaś kaštavała 5 rubloŭ i za hod padaražeła na 1,82 rubla. Inflacyja sieladca pad šubaj skłała krychu bolš za 36%.
Nahadajem, što ŭ našych raźlikach nie ŭličanyja vydatki na pryhatavańnie.
Raniej ministerstva antymanapolnaha rehulavańnia i handlu zajaviła, što inflacyja ŭ hadavym vyražeńni skłała 10,3%. Jak bačym, ceny na inhrydyjenty lubimych sałataŭ padaraželi kudy macniej za aficyjnyja ličby.
Kamientary