«Jany idejnyja». Čarhovy źliŭ: milicejski načalnik zahadvaje znajści kampramat na žycharoŭ Novaj Baravoj
U siecivie źjavilisia pieramovy, jak śćviardžajecca, namieśnika kiraŭnika Minskaj abłasnoj milicyi Vitala Kazłova z namieśnikam načalnika milicyi Minskaha rajona Siarhiejem Udodavym. Vyrašajuć, što rabić z pratestnaj aktyŭnaściu žycharoŭ Novaj Baravoj. Hołas, padobny da Udodava, kaža, što heta idejnyja i nieprapłačanyja ludzi, — «voś u čym prablema». Na heta hołas, padobny da Kazłova, adkazvaje, što treba pravieryć, adkul u ich hrošy, i znajści videa, dzie jany ŭ nieprystojnych pozach, to-bok skampramietavać žycharoŭ kvartała.
Hołas, padobny da hołasu namieśnika načalnika milicyi Minskaha rajona, adčytvajecca, što siłaviki sprabavali kidać kamieńčyki ŭ vokny žycharoŭ Novaj Baravoj, ale chutka zrazumieli, što heta nie maje nijakaha efiektu. Bolš za toje, u prychilnikaŭ pieramien niama jarka vyražanaha lidara. Apieratyŭniki siadzieli ŭ miascovym čacie, adsočvali ŭsie paviedamlenii, i zrazumieli, što zakliki sabracca i prajavić aktyŭnaść pastupajuć chaatyčna.
Na heta hołas, padobny da hołasu namieśnika kiraŭnika milicyi Minskaj vobłaści, adkazvaje, što treba skłaści śpis z najbolš aktyŭnych udzielnikaŭ pratestu i pravieryć, čyje jany dzieci, adkul jany takija «bahaciei», ci zakonna jany zarabili hrošy. A taksama padklučać da pravierak padatkovuju, Fond sacyjalnaj abarony nasielnictva, a jašče znajści i pakazać pryvatnaje videa — u nieprystojnych pozach. Heta stary milicejski mietad, my pa siońnia bačym, jak padčas vobšukaŭ apieratyŭniki starajucca znajści luby brud na ludziej.
Hołas, padobny da hołasu Udodava, kaža, što publika ŭ kvartale roznaja: jość i ajcišniki, jość i dzieci bahatych žycharoŭ Salihorska (vidać, havorka pra dziaciej šachcioraŭ), i dziaržaŭnych słužačych.
«Adklučyć internet hetaj Novaj Baravoj!» — prapanuje hołas, padobny da hołasu Kazłova.
«Jak my im adklučym internet?» — udakładniaje druhi hołas.
«Pravadny, b***. Avaryja».
«Nu dyk u mianie biespravadny ŭ telefonie, — adkazvaje hołas, padobny da hołasu Udodava. — Ja mahu ŭ vioscy ŭsim razdavać, usio pracuje. Heta ŭžo XXI stahodździe».
«Zrazumieła, što mazhi im farmiruje «Niechta», — padsumoŭvaje hołas, jak śćviardžajecca, Vitala Kazłova. — Pakul šukać na ich kampramat. Jak źniali tuju dzieŭku, jakaja scała».
«Dyk jany nie dapuskajuć takich pavodzinaŭ, — tłumačyć padnačaleny. — Jany ž nie pjuć, ničoha».
«Pasłuchaj, na Novy hod ja jeździŭ, narmalna jany tam buchajuć, ź viskarom vychodzili».
«Tady byŭ dzień naradžeńnia u kahości».
Kamientary