Lebiadok: Biełaruś usio bolš šturchajuć u rehijanalnuju varonku eskałacyi sa standartnym vychadam — praz vajnu
Ekśpiert Jahor Lebiadok patłumačyŭ, navošta Polščy stolki vojskaŭ kala biełaruskaj miažy i pa jakich prykmietach možna budzie mierkavać pra charaktar biełaruska-rasijskich vučeńniaŭ.
U svaim novym dopisie ŭ Telegram Jahor Lebiadok adkazaŭ namieśniku načalnika Hienštaba Uzbrojenych Sił Biełarusi Paŭłu Muraviejku. Muraviejka narakaŭ na niepraparcyjnaść kolkaści mihrantaŭ i polskich vajskoŭcaŭ na miažy, pieramiaščeńnie da miežaŭ ciažkaha ŭzbrajeńnia i braniravanych mašyn. «Heta dla čaho, kab zmahacca ź mihrantami? Heta supiarečyć łohicy i zdarovamu sensu». Muraviejka vykazaŭ mierkavańnie, što mety polskich vajskoŭcaŭ la biełaruskaj miažy — «tolki pravakacyjnyja».
— Łohika ŭ dziejańniach palakaŭ jość, Muraviejka daloka nie durań i heta viedaje, — piša Lebiadok. — Palaki pačali naroščvać svaju hrupoŭku nie ŭ adkaz na prosta pierachody mihrantaŭ, a z metaj pieraduchilić standartny łancužok eskałacyi, jaki jany čakali ad Pucina i Łukašenki:
- Infarmacyjnaja napampoŭka nasielnictva i demanizacyja voraha (Polščy, sa žniŭnia 2020);
- Realizacyja destabilizacyi abstanoŭki ŭ krainie-supiernicy i kvazisiłavych dziejańniaŭ (pierakidka mihrantaŭ na pačatku z raźlikam na sacyjalna-palityčny kryzis da leta 2021, zatym i siłavyja dziejańni z vykarystańniem mihrantaŭ, plus supravadžeńnie dadatkovymi pahrozami — narkotyki, džychad, jadziernyja materyjały i h.d.);
- Uzmacnieńnie pahroz z metaj damahčysia pramiežkavych palityka-ekanamičnych vyhad, izalacyi praciŭnika na mižnarodnaj arenie («palaki parušajuć pravy čałavieka»), atrymańnia času dla razhortvańnia sił i h.d.;
- Pravakacyi dla raźviazvańnia bajavych dziejańniaŭ i farmiravańnia ŭłasnaha imidžu achviary/miratvorca/abaroncy na mižnarodnaj arenie;
- Bajavyja dziejańni.
Viedaje vydatna taki varyjant eskałacyi i hienierał Muraviejka, pakolki biełaruskija vajskoŭcy sami nie raz taki łancužok malavali, pakazvajučy płany Zachada zaniavolić Biełaruś.
Mienavita dla pieraduchileńnia punktaŭ 4, 5 i naroščvałasia polskaja hrupoŭka, dla pavyšeńnia bojehatoŭnaści i demanstracyi rašučaści.
Dla demanstracyi rašučaści i sam Łukašenka pierakidvaŭ vojski pad Hrodna ŭ 2020-m, jak i ciapier u vučeńniach «Sajuznaja rašučaść 2022».
U kantekście ŭltymatumaŭ Pucina, pastajannych ruchaŭ rasijskich vojskaŭ i rytoryki ŭ dačynieńni da Ukrainy, palaki nie prybiaruć stvoranuju hrupoŭku prosta tak. Pakolki jany z krainami Bałtyi na pieradavoj, to i kazać pra ŭzmacnieńnie biaśpieki buduć hučniej za ŭsich u NATA, a nie prosta dla «finansavych układańniaŭ», i abjadnoŭvać namahańni.
U adroźnieńnie ad šerahu supracoŭnikaŭ prapahandy, Muraviejka ŭ temie psichałahičnaha prociborstva čałaviek z vopytam i sistemnym pohladam, minimum z 2008 hoda publikavaŭ artykuły na hetuju temu ŭ «Navuka i vajennaja biaśpieka» i «Ideałahičnyja aśpiekty vajennaj biaśpieki». Tym lepš, kali taki čałaviek zajaŭlaje aznačanaje vyšej: pa pryjomach padačy infarmacyi hramadskaści adrazu zrazumiełyja sapraŭdnyja sutnaść i matyvy dziejańniaŭ biełaruskich vojenačalnikaŭ.
Charaktar vučeńniaŭ u dačynieńni da Ukrainy i Polščy budzie zrazumieły pa niekatorych elemientach, u pryvatnaści, ci budzie desantavańnie z vyšyń 4 km i bolš dla adpracoŭki zasyłki desantu na dziasiatki kiłamietraŭ praź miažu na parašutnych sistemach niezaŭvažna dla SPA, ci budzie šyroka prymianiacca inžyniernaja technika dla stvareńnia šlachoŭ pierakidvańnia techniki pa małačakanych napramkach, ci pieramieściać rasiejskija S-400 z Hrodna na poŭdzień Biełarusi, ci pakinuć ich tam i dalej, uzmacnieńnie VPS i REB, inš.
Rost vajskovych sił pablizu Biełarusi z usich bakoŭ i ahresiŭnaja rytoryka ŭsio bolš šturchajuć Biełaruś u rehijanalnuju varonku eskałacyi sa standartnym vychadam — praz vajnu, — reziumuje Lebiadok.
Kamientary