Kavid moža spravakavać raźvićcio cukrovaha dyjabietu. Asabliva ryzykujuć dzieci
Zaražeńnie karanavirusam istotna pavyšaje ryzyku raźvićcia ŭ pacyjenta cukrovaha dyjabietu, pryčym litaralna na praciahu pary tydniaŭ paśla źjaŭleńnia pieršych simptomaŭ Covid-19. Asabliva vysokaja hetaja ryzyka ŭ dziaciej da 18 hadoŭ. Takaja vysnova źmiaščajecca adrazu ŭ niekalkich daśledavańniach na hetuju temu, praviedzienych navukoŭcami z ZŠA i šerahu inšych krain, piša Bi-bi-si.
Aŭtary adnaho z daśledavańniaŭ padličyli, što tolki za pieršyja miesiacy pandemii z ahulnaj kolkaści špitalizavanych z padazreńniem na karanavirus chvorych u Kitai, Italii i ZŠA amal kožnamu siomamu pacyjentu padčas lačeńnia kavida byŭ upieršyniu dyjahnastavany jašče i cukrovy dyjabiet.
U dziaciej, jakija zarazilisia karanavirusam, pa apošnich dadzienych amierykanskich centraŭ kantrolu i prafiłaktyki zachvorvańniaŭ (CDC), ryzyka raźvićcia dyjabietu na praciahu najbližejšaha miesiaca paśla zaražeńnia pavialičvajecca bolš čym u 2,5 razy.
Pavyšany ŭzrovień cukru ŭ kryvi — adzin z raspaŭsiudžanych simptomaŭ postkaranavirusnaha sindromu (PKS), bolš viadomaha jak «doŭhi kavid» — kali simptomy, jakija źjavilisia ŭ vyniku zaražeńnia Covid-19, raściahvajucca na niekalki miesiacaŭ užo paśla pieraniesienaj infiekcyi.
Uvohule šmatlikija navukovyja pracy ŭžo daŭno i vielmi pierakanaŭča demanstrujuć suviaź pamiž karanavirusam i cukrovym dyjabietam — jak 1-ha, tak i 2-ha typu. Pryčym hetaja suviaź dvuchbakovaja.
Toje, što najaŭnaść u pacyjenta dyjabietu (jak i inšych parušeńniaŭ abmienu rečyvaŭ, uklučajučy lišniuju vahu) u vypadku zaražeńnia Covid-19 adrazu pieravodzić jaho ŭ hrupu ryzyki i mocna paharšaje miedycynski prahnoz, stała vidavočna jašče ŭ pieršyja miesiacy pandemii.
Ale zaraz usio bolš vyrazna prasočvajecca i zvarotnaja suviaź: karanavirus moža spravakavać u pacyjenta raźvićcio cukrovaha dyjabietu ŭ chodzie zaražeńnia.
Analiz navukovaj litaratury pakazaŭ, što na praciahu miesiaca paśla źjaŭleńnia pieršych simptomaŭ Covid-19 dyjabiet raźvivajecca amal u kožnaha siomaha špitalizavanaha pacyjenta (14,4%).
Asabliva zakłapočanyja hetym faktam piedyjatry. Pa dadzienych amierykanskich centraŭ kantrolu i prafiłaktyki zachvorvańniaŭ (CDC), zaražeńnie kavidam niepaŭnahadovaha dziciaci značna pavyšaje ryzyku raźvićcia ŭ jaho dyjabietu ŭžo ŭ najbližejšy miesiac (pa niekatorych acenkach — u 2,6 razy).
Rasijskaja lekarka-endakrynołah Hanna Niavolnikava kaža, što jaje heta zusim nie ździŭlaje. Pryčyny raźvićcia dyjabietu mohuć być u tym, što:
— pa-pieršaje, na pavierchni kletak padstraŭnikavaj załozy, jakija vypracoŭvajuć insulin, jość toj samy receptar ACE2, praź jaki virus traplaje ŭsiaredzinu;
— pa-druhoje, za čas pandemii ludzi ŭ cełym stali značna bolš jeści i mienš ruchacca, uzrastaje i ŭzrovień stresu;
— pa-treciaje, chvorym, jakija trapili ŭ balnicu z karanavirusam, niaredka pryznačajuć preparaty, jakija taksama pavyšajuć uzrovień cukru ŭ kryvi, vyklikajučy tak zvany steroidny dyjabiet;
- pa-čaćviortaje, imunnaja sistema niekatorych (hienietyčna schilnych da hetaha) pacyjentaŭ pačynaje razburać ułasnyja orhany i pavialičvaje nahruzku na padstraŭnikavuju załozu.
Zrešty, pa słovach Niavolnikavaj, u navaśpiečanych «kavidnych dyjabietykaŭ» jość nadzieja na vyzdaraŭleńnie — va ŭsiakim razie častkovaje. Byvajuć vypadki, kali ŭzrovień cukru paśla kavidu ŭ pacyjenta vielmi vysoki, ale paśla značna źmianšajecca. I takich vypadkaŭ niamała.
Čytajcie taksama:
«Kab nie kavid, jon by žyŭ i žyŭ». Biełarusy, što stracili blizkich padčas pandemii, raskazvajuć, jak pieražyli heta
Ad pandemii da endemii. Paśla amikrona dziaržavy mianiajuć svaju stratehiju adnosna kavidu
Čamu rekordna šmat chvorych na kavid u krainach z vysokimi ŭzroŭniami vakcynacyi
Daśledavańni: «Amikron» miakčejšy za papiarednija chvali, ludzi radziej traplajuć u balnicu
Niekatoryja vakcyny ad «amikrona» nie abaraniajuć zusim. Novyja daśledavańni
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary