Prapanujem vam prosty varyjant tradycyjnaha jaŭrejskaha śniadanku, ale možna nie brać da ŭvahi ŭmoŭnaści i pryhatavać šakšuku i na abied, i na viačeru. Možacie dadać u sous svaje lubimyja prypravy: kary, vendžanuju papryku, ziru. Ekśpierymientujcie!
Inhredyjenty
- 1 stałovaja łyžka aliŭkavaha aleju
- 2 narezanyja čyrvonyja cybuliny
- kali lubicie vastryniu — 1 čyrvony pierac čyli, vyčyščany ad nasieńnia i drobna narezany
- 1 zubčyk časnaku, narezany
- nievialiki pučok kalandry (vy viedajecie jaje jašče jak kinzu), pryčym trochi liścia pakryšycie asobna
- pamidory śviežyja ci kansiervavanyja, lepš takija, katoryja biez skury — sama smačna, kali čery
- 1 čajnaja łyžka cukrovaj pudry
- jajki — pa kolkaści jedakoŭ
Pieršy krok
Razahrejcie alej u patelni, cybulu, pierac čyli, časnok i ściebły kalandry absmažvajcie na praciahu 5 chvilin da miakkaści. Dadajcie pamidory i cukar, zatym na małym ahni daviadzicie sous da zahuścieńnia, heta prykładna zojmie 8—10 chvilin, nie zabyvajcie pamiešvać stravu.
Vialikaj łyžkaj zrabicie 4 jaminki ŭ sousie, zatym raźbicie pa jajku ŭ kožnuju vyjemku. Nakryjcie patelniu nakryŭkaj, zatym hatujcie na słabym ahni 6—8 chvilin, pakul jajki nie buduć takimi, jakimi vy lubicie ich jeści. Pasypać liściem kalandry i padavać z chrabustkim chlebam, a lepš ź pitaj, kab možna było mačać jaje kavałački ŭ sous.
Smačna jeści!
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA27
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary