Urad Šviejcaryi patłumačyŭ, navošta jamu ciapier treba pasoł u Minsku
MZS Šviejcaryi adkazaŭ telekanału «Biełsat», čamu pryniaŭ rašeńnie ab pryznačeńni pasła ŭ Biełaruś. Dypłamaty pierakananyja, što vyrašyć kryzis u Biełarusi možna tolki z pryciahnieńniem usich adpaviednych palityčnych subjektaŭ.
U MZS Šviejcaryi zajavili, što rašeńnie ab nakiravańni novaha pasła ŭ Minsk było pryniata paśla ŭvažlivaha razhladu mnohich akaličnaściaŭ:
«Dla Šviejcaryi było važna zastavacca pradstaŭlenaj na samym vysokim uzroŭni ŭ Miensku. Takim čynam, Šviejcaryja moža vykanać svaju tradycyjnuju i pryznanuju rolu ŭ jakaści budaŭnika mastoŭ dla mižnarodnaj supolnaści. Šviejcaryja biarecca za heta ź nieabchodnaj starannaściu i ŭ poŭnaj salidarnaści ź jeŭrapiejskimi kaštoŭnaściami i pryncypami».
Što da ŭručeńnia davierčych hramat Łukašenku, to:
«Uručeńnie davierčych hramat nie zjaŭlajecca aktam pryznańnia dla Šviejcaryi. Akredytacyja pasła ŭstanaŭlivaje adnosiny pamiž aficyjnym pradstaŭnikom krainy, jakaja nakiroŭvaje, i dziaržavy znachodžańnia, jakija rehulujucca Vienskaj kanviencyjaj ab dypłamatyčnych adnosinach».
Na dumku pradstaŭnikoŭ šviejcarskaha MZS, novy pasoł budzie imknucca da taho, kab danieści da Biełarusi klučavyja patrabavańni Šviejcaryi. Siarod inšaha, heta vyzvaleńnie ŭsich advolna zatrymanych, rasśledavańnie ciažkich vypadkaŭ katavańniaŭ i žorstkaha abychodžańnia, a taksama svaboda vykazvańnia mierkavańniaŭ.
A hramadzianku Šviejcaryi Natallu Chierše, jakaja adbyvaje źniavoleńnie pa palityčnych matyvach u biełaruskaj turmie, šviejcarskija dypłamaty naviedvali 14 razoŭ, apošni raz 11 studzienia 2022 hoda.
Čytajcie taksama:
Natalla Chierše spyniła haładoŭku
Ambasadarka Šviejcaryi źjeździć da Natalli Chierše
Šviejcaryja nakiruje pasła ŭ Biełaruś. Heta moža być źviazana i z Natallaj Chierše
«U mianie ŭžo heta adbaleła». Palitźniavolenaja Natalla Chierše — pra razryŭ adnosin z mužam
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary