Pucin i Makron nie mahli zaklučyć «ździełku» ŭ metach deeskałacyi va Ukrainie, bo Francyja nie źjaŭlajecca lidaram NATO, zajavili ŭ Kramli. FT napisała, što Pucin paabiacaŭ nie pradprymać «vajennych inicyjatyŭ» i advieści vojski, piša RBK.
Rasija i Francyja nie mahli zaklučyć nijakija «ździełki», źviazanyja sa źnižeńniem napružanaści ŭ adnosinach z Ukrainaj, zajaviŭ pres-sakratar rasijskaha prezidenta Dźmitryj Piaskoŭ. Pra toje, što Maskva i Paryž damovilisia ab šerahu adpaviednych mier, raniej pisała sa spasyłkaj na krynicy hazieta The Financial Times.
«FT, viadoma ž, napisała pa sutnaści niapravilna. Maskva i Paryž nie mahli zaklučyć nijakich ździełak, heta prosta niemahčyma. Tamu što Francyja źjaŭlajecca i členam ES, i členam NATO, dzie Francyi nie naležyć lidarstva, lidarstva naležyć inšaj krainie», — skazaŭ pres-sakratar prezidenta Rasii.
Pavodle źviestak FT, prezident Francyi Emaniuel Makron padčas vizitu ŭ Maskvu damoviŭsia z rasijskim kaleham Uładzimiram Pucinym, što Maskva nie budzie pradprymać novych «vajskovych inicyjatyŭ». Rasija taksama pahadziłasia ŭdzielničać u dyjałohu adnosna razhortvańnia ŭłasnych uzbrojenych sił. Hazieta pakazała, što papiarednija damoŭlenaści majuć patrebu ŭ adabreńni Vašynhtona.
Akramia taho, pavodle krynic FT, prezident Rasii pahadziŭsia vyvieści ź Biełarusi 30 tys. rasijskich vajskoŭcaŭ, jakija buduć zadziejničanyja ŭ sumiesnych z vučeńniami «Sajuznaja rašučaść — 2022».
Pa słovach Piaskova, ab tym, što Rasija maje namier pakinuć vajennych na terytoryi Biełarusi pa zakančeńni vučeńniaŭ, i havorki nie było, vojski viernucca ŭ miescy pastajannaj dysłakacyi. «Kali vy ŭvažliva sačyli, to nichto nikoli nie kazaŭ, što rasijskija vojski buduć zastavacca na terytoryi [Biełarusi]», — skazaŭ jon. Pres-sakratar prezidenta taksama adznačyŭ, što nie čuŭ pra admovu Maskvy ad vajskovych manieŭraŭ.
U Kramli byli hatovyja da taho, što razmovy praciahnucca doŭha, raspavioŭ Piaskoŭ, pakazaŭšy na ŭstalavanyja pamiž Pucinym i Makronam «kanstruktyŭnyja i źmiastoŭnyja stasunki». «Akramia taho, situacyja dosyć ekstraardynarnaja, jakaja patrabuje padobnych padrabiaznych razmoŭ», — dadaŭ jon.
Čytajcie taksama:
Piaskoŭ: Rasijskija vojski syduć ź Biełarusi paśla vučeńniaŭ
FT: Pucin i Makron damovilisia źnizić napružańnie vakoł Ukrainy, rasijskija vojski ź Biełarusi vyvieduć
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA75
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary