«U 2020 hodzie im pastupała vializnaja kolkaść pahroz». Centrvybarkam usio ž zasakreciŭ śpis čalcoŭ učastkovych kamisij
Učastkovyja vybarčyja kamisii sfarmavanyja da 6 lutaha. Zvyčajna paśla hetaha śpisy ich členaŭ vyviešvalisia na sajtach administracyj rajonaŭ. Adnak sioleta hetaha nie adbyłosia. Na minułym tydni čytačka «Našaj nivy» zvaniła na haračuju liniju CVK i joj abiacali, što śpisy voś-voś źjaviacca. Taksama na minułym tydni pa siecivie raźlacielisia krynžovyja videa ad udzielnikaŭ vybarčych kamisij. «My nie baimsia», — kazali jany. Navat niahledziačy na takija zajavy CVK vyrašyŭ nie apubličvać śpisy členaŭ učastkovych kamisij, što supiarečyć dziejnamu zakanadaŭstvu.
Čytačka «Našaj Nivy» patelefanavała na haračuju liniju Centralnaj vybarčaj kamisii i daviedałasia, čamu tam pryniali takoje rašeńnie. Voś što joj adkazali:
«Vy možacie pryjści va ŭčastkovuju kamisiju i pabačyć tych ludziej, jakija buduć hetym zajmacca. U adkrytym dostupie hetyja danyja nie buduć publikavacca ŭ suviazi z harantavańniem biaśpieki ŭdzielnikaŭ kamisij, bo ŭ 2020 hodzie padčas vybaraŭ im pastupała vielizarnaja kolkaść pahroz. Sa śpisami ŭdzielnikaŭ refierendumu vy možacie aznajomicca na svaim učastku».
Nahadajem, što zhodna z artykułam 34 Vybarčaha kodeksa Biełarusi, publikacyja imionaŭ usich čalcoŭ vybarčach kamisijaŭ abaviazkovaja. U hetym hodzie hetaha vyrašyli nie rabić niahledziačy na dziejny zakon. Na hety momant jość tolki adrasy terytaryjalnych kamisij i numary telefonaŭ.
Čytajcie jašče:
«Pierš za ŭsio — pakazać, jak šmat ludziej nie zhodnyja ź dziejańniami ŭłady». Pavieł Libier pra płany «Hołasu» na refierendum
Minčanka paskardziłasia na zanadta vialiki vybarčy ŭčastak. Čynoŭniki tolki raźviali rukami
Čamu refierendum užo ciapier možna ličyć niesapraŭdnym
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary