Da 2023 hoda płanujecca pačać sieryjny vypusk elektrahruzavika, stvoranaha na «Biełkamunmašy», a pakul viaducca dośledna-kanstruktarskija pracy, paviedamlaje reform.by.
Biełaruski elektrahruzavik, jak raskazvajecca ŭ siužecie pra jaho telekanała STV, płanujuć pastaŭlać pa ŭsim śviecie. Tamu rul i siadzieńnie kiroŭcy raźmiaścili pa centry sałona — kab jaho možna było z adnolkavym pośpiecham vykarystoŭvać u krainach z pravabakovym i levabakovym rucham.
Zamiest lusterkaŭ zadniaha vidu ŭ hetym aŭtamabili vykarystoŭvajucca kamiery, videa ź jakich vyvodzicca na manitory na stojkach usiaredzinie kabiny.
Pusty hruzavik, pa słovach stvaralnikaŭ, razhaniajecca da 100 kiłamietraŭ na hadzinu za 5 siekund, pry maksimalnaj zahruzcy (20 ton) — za 10 siekund.
Za asnovu dyzajnu uziaty dyzajn elektrobusaŭ «Biełkamunmaša», jakija ŭžo vykarystoŭvajucca ŭ Minsku. Čas chutkaj zaradki batarej, taksama biełaruskaj vytvorčaści, — paŭtary hadziny.
Ciapier čytajuć
U Hrodnie vypadkova spynili fihuranta kryminałki za 2020 hod. Jon złamaŭ ruku milicyjanieru i sihanuŭ u raku2
Kamientary