Pahladzicie, jak dzietki z Techasa čytajuć vierš Andreja Skurko, napisany ŭ turmie VIDEA
Kali vašy dzietki taksama viedajuć tvory Skurko, zdymicie heta na videa i apublikujcie ŭ internecie, kali łaska.
Hetyja chłopčyki, Staś i Kastuś, žyvuć u biełaruskaj siamji ŭ Techasie, ZŠA. Jany raskazvajuć vierš Andreja Skurko, napisany ŭ turmie.
Kali vašy dzietki taksama vyvučyli vieršy Skurko, zdymicie heta na videa i apublikujcie ŭ internecie, kali łaska.
Nahadajem, što kožnuju sieradu jutub-kanał «Bejbus» publikuje dva Andrejevy vieršy z cudoŭnaj animacyjaj.
Na minułym tydni vieršy čytali narodnyja artysty Biełarusi Zoja Biełachvościk i Alaksandr Padabied.
«Andrej mocna dziakuje artystam i ŭsim cudoŭnym ludziam, chto spryčyniŭsia da źjaŭleńnia aŭdyjaknižki. Heta sapraŭdy cud našych časoŭ: aŭtar za ścienami Vaładarki, a hieroi jahonyja prabralisia na volu i žyvuć ščaślivym žyćciom (siońniašnija viasiołyja hieroi — heta dobry voŭk, maleńki barsučok, kot i myški-charysty)», — napisała ŭ Facebook Paŭlina Skurko, žonka Andreja.
«Našy niahody časovyja, a mastactva viečnaje», — pierakananaja Paŭlina.
Čytajcie taksama: Dziesiać katoŭ. Andrej Skurko ŭ turmie napisaŭ vierš, na jakim možna vučyć dziaciej ličyć
Andrej Skurko — palitviazień, vybitny aŭtar i redaktar. Pa nadumanym abvinavačvańni jon i hałoŭny redaktar «Našaj Nivy» Jahor Marcinovič, jak i dziasiatki inšych niezaležnych žurnalistaŭ, znachodziacca za kratami. Vieršy, što Andrej Skurko ŭ listach dasyłaje svajmu synu Tamašyku, stali sapraŭdnaj padziejaj biełaruskaj dziciačaj litaratury.
Sud nad hałoŭnym redaktaram «Našaj Nivy» Jahoram Marcinovičam i Andrejem Skurko pačniecca z 28 lutaha ŭ sudzie Zavodskaha rajona Minska. Pačatak u 14:30, sudovaja zała 32.
Pravaabaroncy pryznali Jahora Marcinoviča i Andreja Skurko palitźniavolenymi, abvinavačvańni suprać ich ličać palityčna matyvavanymi. Ich vyzvaleńnia zapatrabavała Biełaruskaja asacyjacyja žurnalistaŭ i mižnarodnyja žurnalisckija sajuzy.
-
Vyjšła kniha šaržaŭ na Jakuba Kołasa i Janku Kupału
-
U novym biełaruskim vydaviectvie TAMAKA, jakoje choča zakryć nišu vizualnaha mastactva, vyjšła debiutnaje vydańnie
-
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?16
Kamientary