Vitala Kulašova šukali milicyja i ratavalniki.
Były načalnik Hancavickaha RAUS Vital Kulašoŭ učora samavolna syšoŭ z Baranavickaha psichanieŭrałahičnaha dyspansiera. U Hancavickim rajonie, dy i nie tolki, były načalnik rajonnaj milicyi viadomy. Jon atrymaŭ viadomaść dziakujučy svajoj frazie pry zatrymańni žurnalistaŭ: «Vyklučy hetuju ch…niu, a to zaŭtra z pracy pavyhaniajuć», piša «Hancavicki čas».
Rajonny adździeł milicyi Kulašoŭ uznačaliŭ u vieraśni 2019 hoda, majučy za plačyma amal dva dziesiacihodździ słužby ŭ orhanach unutranych spraŭ i ŭ pieršych intervju razvažaŭ ab pryncypach słužby.
A potym nastupiŭ 2020 hod, i razmovy ab pryncypach atrymali praktyčnuju pravierku.
20 červienia 2020 hoda ŭ centry Hancavičaŭ milicyja zatrymlivała ŭdzielnikaŭ «łancuha salidarnaści». Razam ź imi zatrymali žurnalistaŭ haziety, jakija viali pramuju tranślacyju. Vital Kulašoŭ paśla sam paćvierdziŭ u sudzie, što ŭdzielničaŭ u zatrymańni.
Mienavita adtul pajšła znakamitaja historyja z kamieraj i fraza Kulašova, jakaja ŭ internecie stała miemam: «Vyklučy hetuju ch…niu, a to zaŭtra z pracy pavyhaniajuć». Padobna na toje, kamiera tady sapraŭdy była samym niazručnym śviedkam.
Maci adnaho z zatrymanych u tyja dni raspaviadała, što miedyki paźniej zafiksavali ŭ syna cialesnyja paškodžańni.
Uletku 2021 hoda milicejskaja karjera Kulašova niečakana abarvałasia.
Pierad zvalnieńniem Kulašova, jak piša vydańnie, pytańni paŭstali nie da jaho palityčnaj łajalnaści, a da značna bolš pryziemlenych rečaŭ: asobnych finansavych apieracyj, raźmierkavańnia premij i rasparadžeńnia majomaściu RAUS.
Paźniej u žyćci byłoha načalnika RAUS adbyŭsia ciažki kryzisny epizod — sproba suicydu, paśla jakoha jamu spatrebiłasia psichijatryčnaja dapamoha.
U vyniku jon akazaŭsia ŭ psichdyspansiery, adkul učora syšoŭ. Jaho šukali milicyja i ratavalniki. Siońnia znajšli.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami8
Kamientary