56‑hadovuju čynoŭnicu ź Biešankovičaŭ asudzili adrazu pa piaci palityčnych artykułach
Halina Uściuhava doŭhi čas pracavała ŭ dziaržaŭnych strukturach: ad načalnicy ziemleŭparadkavalnaj słužby da śpiecyjalistki adździeła statystyki. Niadaŭna žančynu sudzili.
Halina Uściuhava naradziłasia ŭ listapadzie 1969 hoda. U 1992 hodzie jana skončyła Połacki dziaržaŭny ŭniviersitet pa śpiecyjalnaści «Prykładnaja hieadezija i fotahramietryja».
Doŭhi čas žančyna pracavała ŭ dziaržaŭnym aparacie Biešankovickaha rajona na Viciebščynie. U nulavyja jana była sakratarom Ulskaha sielskaha savieta. Na 2018 hod jana kiravała miascovaj ziemleŭparadkavalnaj słužbaj. Paźniej Uściuhava pracavała śpiecyjalistam pa praviadzieńni abśledavańniaŭ u rajonnym adździele statystyki, a kiraŭnictva chvaliła jaje jak nadziejnuju i piśmiennuju supracoŭnicu.
U sacsietkach Uściuhava zaklikała karystacca biełaruskaj movaj i zapisvała svoj hołas dla prajekta «Biełaruskaj movie patrebnyja donary».
Halinu zatrymali ŭ hetym hodzie. U vyniku spravu razhladali ŭ Minskim haradskim sudzie. Žančynu asudzili adrazu pa piaci artykułach Kryminalnaha kodeksa: za sadziejničańnie ekstremickaj dziejnaści (č. 1 i 2 art. 361‑4 KK), udzieł u ekstremisckim farmavańni (č. 3 art. 361-1), raspalvańnie varožaści (č. 1 art. 130), dyskredytacyju Biełarusi (art. 369-1) i zakliki da pryčynieńnia škody Biełarusi (č. 3 art. 361).
Halinie prysudzili kałoniju ci chimiju z nakiravańniem — u anłajn u sacsietkach jana tak i nie vyjšła.
«Naša Niva» — bastyjon biełaruščyny
PADTRYMAĆCiapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Pora uprazdniať nazvanije Strany -Biełaruś, pieriechodiť na rośsijskije pasporta, na rośsijskoje hraždanstvo, budiet Minskaja Hubiernija v sostavie RF.
Hladia na łukašienok, na vieś vyvodok, oni k etomu i viedut.
Dziakuj za vaš hołas i pracu.