Pad sankcyi Jeŭrasajuza «za sadziejańnie rasijskaj ahresii» trapili 20 biełaruskich čynoŭnikaŭ i vajskoŭcaŭ
Rada Jeŭrasajuza ŭchvaliła sankcyi suprać vinavatych za rasijskuju ahresiju suprać Ukrainy. U «čornym śpisie» razam z kiraŭnictvam Rasii i deputatami Dziarždumy apynulisia 20 biełaruskich čynoŭnikaŭ i vajskoŭcaŭ, piša Radyjo Svaboda.
«Hety napad źjaŭlajecca aburalnym parušeńniem terytaryjalnaj cełasnaści, suvierenitetu i niezaležnaści Ukrainy», — havorycca ŭ dakumiencie.
Pryniatyja ciapier abmiežavalnyja zachady — pašyreńnie sankcyj za anieksiju Kryma, jakija ES uvioŭ suprać 21 rasijskaha i krymskaha palityka 17 sakavika 2014 hoda.
Sankcyi praduhledžvajuć zabaronu ŭjezdu na terytoryju Jeŭrasajuza ci tranzitu, a taksama zamarozku «ŭsich srodkaŭ i ekanamičnych resursaŭ, jakija naležać, znachodziacca va ŭłasnaści abo kantralujucca hetymi asobami».
U ciapierašnim sankcyjnym śpisie aproč proźviščaŭ Uładzimira Pucina, ministra zamiežnych spraŭ Siarhieja Łaŭrova, členaŭ Savieta nacyjanalnaj biaśpieki Rasii i deputataŭ Dziarždumy taksama i 20 biełaruskich čynoŭnikaŭ i vajskoŭcaŭ, jakija «sadziejničali rasijskaj vajennaj ahresii ź Biełarusi».
- Uładzisłaŭ Brujeŭ — načalnik Homielskaj pamiežnaj hrupy
- Aleh Ejbataŭ — načalnik Mazyrskaha pamiežnaha atrada
- Dźmitryj Vińnikaŭ — načalnik Pinskaha pamiežnaha atrada
- Alaksandr Paškievič — načalnik štaba vajskovaj čaści 65408 (Łuniniec)
- Alaksandr Łazicki — kamandzir vajskovaj čaści 65408
- Andrej Łukjanovič — namieśnik kamandujučaha Vajenna-pavietranymi siłami i vojskami supraćpavietranaj abarony Uzbrojenych Siłaŭ
- Alaksandr Kryviec — kamandzir 116-j hvardziejskaj šturmavoj avijacyjnaj bazy (Lida)
- Juryj Pyžyk — kamandzir 61-j źniščalnaj avijacyjnaj bazy (Baranavičy)
- Uładzimir Kupryjaniuk — načalnik štaba — pieršy namieśnik kamandujučaha vojskami Zachodniaha apieratyŭnaha kamandavańnia
- Andrej Niekraševič — načalnik hałoŭnaha ŭpraŭleńnia bajavoj padrychtoŭki Uzbrojenych Siłaŭ
- Viktar Hulevič — načalnik Hienieralnaha štaba US
- Alaksandr Valfovič — dziaržsakratar Savieta biaśpieki
- Andrej Žuk — namieśnik ministra abarony
- Siarhiej Simanienka — namieśnik ministra abarony pa ŭzbrajeńni
- Andrej Burdyka — namieśnik ministra abarony pa tyle
- Mikałaj Rahaščuk — pamočnik Łukašenki — inśpiektar pa Homielskaj vobłaści
- Vadzim Dzienisienka — kamandujučy vojskami Siłaŭ śpiecyjalnych apieracyj Biełarusi
- Ihar Dziemidzienka — kamandujučy vojskami Zachodniaha apieratyŭnaha kamandavańnia
- Juryj Šulejka — staršynia Bresckaha abłvykankama
- Ivan Krupko — staršynia Homielskaha abłvykankama
ZŠA taksama ŭviali sankcyi ŭ dačynieńni da šerahu fizičnych asob, pradpryjemstvaŭ i bankaŭ Biełarusi za padtrymku režymam Łukašenki rasijskaj interviencyi va Ukrainu. U śpisie 15 jurydyčnych i 8 fizičnych asobaŭ, uklučna z Alaksandram Valfovičam.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
Kamientary