Kavieryn vybačyŭsia za prapanovu eratyčnaj fotasiesii dla Cichanoŭskaj
«Maja pamyłka. Maja vina».
Viadučy prahramy «Obyčnyj viečier» Kanstancin Kavieryn apublikavaŭ u sacsietkach post-reakcyju na publikacyi ŚMI pra jaho ŭčorašni efir. Padčas jaho viadučy prapanavaŭ Śviatłanie Cichanoŭskaj zrabić adkrytuju fotasiesiju dla pryciahnieńnia ŭvahi da biełaruskaha pytańnia.
«Značycca, mnie prylacieła za ŭčorašniaje pytańnie Śviatłanie Cichanoŭskaj ab adkrytaj fotasiesii dziela pryciahnieńnia suśvietnaj uvahi da biełaruskich prablem. Heta było ŭ žyvym efiry našaj prahramy «Obyčnyj viečier».
Pierahladzieŭ toj kavałak, pakuryŭ, padumaŭ. I voś što. Razvažać pra «vyrvana z kantekstu» ci «nie tak zrazumieli» nie budu. Bo ničoha nie vyrvana i zrazumieli pravilna. A voś farmuloŭki maje sapraŭdy nie vytrymlivajuć krytyki.
Ničoha, akramia niajomkaści, jany nie vyklikajuć. Abaraniać niama čaho, baranicca niama čym. Maja pamyłka. Maja vina. Ja prynošu prabačeńni Śviatłanie Cichanoŭskaj i ŭsim, kaho abraziła takaja forma abmierkavańnia prablemy», — napisaŭ Kavieryn.
Kamientary